IBA ang dating ng newbie actor na si Joaquin Domagoso. Bukod sa malakas ang charisma sa masa, guwapito ang tisoy na anak ni Manila Mayor Isko Moreno.
First time namin napanood ang baby ni Daddy Wowie Roxas na si JD (tawag kay Joaquin) sa benefit concert na Can’t Stop The Feeling last Dec. 6 sa Music Museum na pinamahalaan at tinampukan ni katotong Ambet Nabus. Ang proceeds ng show ay para sa mga batang kinakalinga ng Bahay Aruga Foundation. Congrats kay Ambet and company sa matagumpay na benefit concert na ito.
Anyway, isa ang 18 year old na si JD sa nag-perform dito at may ibubuga siya sa pagkanta at sa pagsasayaw. Balita namin ay isang contract artist ng GMA-7 si Joaquin, at umaasa kami na very soon ay mapapanood na rin namin siya sa Kapuso Network.
Bukod kina Joaquin at Ambet, ang iba pang nagtanghal sa nasabing benefit concert ay sina Marion Aunor, Cool Cat Ash, LA Santos, Liezel Garcia, Miles Ocampo, Lexi Gonzales, Atak Araña, Jayson Gainza, Atty. Bruce Rivera na alaga rin pala ni Daddy Wowie.
As usual, nagpakita ng galing dito sina Marion at LA, pero iba ang aliw na hatid nina Atak at ng bunsong anak ni Ms. Maribel Aunor na si Ashley. Kaaliw kasi si Atak at alive na alive naman kung mag-perform si Ashley.
Congrats ulit kay Ambet at sa lahat ng bumubuo ng benefit concert na ito na yearly pala nilang ginagawa.
ALAM MO NA!
ni Nonie Nicasio
