Thursday , February 2 2023

SEA Games opening inspirasyon sa Palasyo

TALAGANG nakai-inspire.

Ito ang inihayag ng Palasyo sa mga atletang Filipino na nakasungkit na ng gintong medalya sa ginaganap na 30th Southeast Asian Games ( SEAG) sa bansa.

Hindi maikakaila, ayon kay Presidential Spokesman Salvador Panelo, maganda ang naging preparasyon ng mga atletang Pinoy.

Sinabi ni Panelo, walang substitute ang preparasyon sa anumang uri ng kompetisyon.

“We have to congratulate our Filipino athletes for that. Talagang nakai-inspire rin. Tsaka maganda ang preparation nila. There’s no substitute for preparation in com­petition,” ayon kay Panelo.

Linggo ng umaga nang sunod-sunod na makasungkit ng gintong medlya sina Agatha Wong sa Wushu; John Chicano sa men’s triathlon’ at Kim Mangro­bang sa women’s triathlon.

ni ROSE NOVENARIO

Inulan ng papuri, pinag-usapan
SEA GAMES OPENING
SINABING WORLD CLASS

OPISYAL nang binuksan nina Pangulong Rodrigo Duterte katuwang si boxing superstar at Senador Manny Pacquiao ang 30th Southeast Asian (SEA) Games na ginaga­nap sa bansa pasado 7:00 pm, nitong Sabado, 30 Nobyembre, sa Philippine Arena sa Bocaue, Bula­can.

Sa umpisa ng pro­grama ay napa-wow agad ang marami sa pagkanta ni Lani Misalucha ng pambansang awit na Lupang Hinirang.

Sinundan ito ng makapanindig balahi­bong mga pagtatanghal na binalot din ng napa­kagandang mga Filipino costumes ang bawat produksiyon.

Nagbigay sigla ang word-class Pinoy artists na sina Robert Seña, KZ Tandingan, TNT boys, Jed Madela, Iñigo Pascual, Elmo Magalona at iba pa.

Maging ang miyembro ng Black Eyed Peas na si Apl de Ap ay nag­paun­lak sa kasiyahan at hindi nakalimot na isa siyang Filipino.

Dumagdag pa rito ang Francis Magalona medley na talaga namang nasabayan nang halos lahat ng mga manonood at damang-dama nila ang pagiging Filipino habang pinanonood at nakiki­kanta rito.

Nang pumasok ang Philippine delegation at mga atleta, sinabayan ito ng kanta ng Hotdog na “Manila” kung saan makikita si Pangulong Duterte, habang katabi ang Sultan ng Brunei at Prime Minister Hassanal Bolkiah, na napapaindak at pumapalakpak pa.

Litaw din ang gan­dang Filipina na pinangu­nahan nina Megan Young, Precious Lara Quigaman, at Pia Wurtzbach na naging mga lakambini ng bawat bansang kalahok.

Dahil dito, inulan ng papuri ang opening ng SEA Games, hindi lang mula sa mga kababayan natin kundi maging sa mga taga-ibang bansa.

Hindi umano nila inaasahang magiging napakaganda, napaka­husay at napakaayos ng kalalabasan nito.

Ang ilan, sinabing naging emosyonal sila habang nanonood dahil kitang-kita kung gaano natin ipinagmamalaki ang ating lahi at kultura.

Sa tuwa ni Pangulong Duterte ay inatasan niya ang mga organizers ng SEA Games na bigyan ng complimentary tickets sa 56 sports ang mga kababayan na gustong manood nito.

(MICKA BAUTISTA)

About Rose Novenario

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply