Sunday , February 9 2025

Bela, rewarding ang Mananita, personally at career-wise

AMINADO si Bela Padilla na hindi naging madali para sa kanya physically at mentally ang paghahanda at pag-shoot ng pelikulang Mananita.

Ani Bela, kinailangan niyang sumailalim sa training sa isang military camp para matuto ng pag-assemble at paghawak ng rifle.

Kaya naman dahil dito’y ipinagmalaki niyang kaya na niyang mag-assemble ng rifle sa loob ng isang minuto ha.

Bukod dito, kinailangan ding maglagay ng prosthetic sa isang parte ng mukha at leeg ang aktres dahil ginagampanan niya ang isang ex-military sniper, si Edilberta. Na matapos matanggal sa posisyon sa militar, tumanggap ng isang trabaho na bumago sa kanyang buhay.

Kakaiba rin ang Mananita sa mga role na nagawa niya sa mga romantic movie na nagawa niya tulad ng 100 Tula Para Kay Stella, Meet Me in St Gallen, at The Day After Valentines.

Sa mga nabanggit na pelikula’y maayos ang hitsura ni Bela, rito sa Mananita, gusgusin at rugged ang kanyang hitsura.

Sobrang init din ang panahon nang ginagawa ni Bela ang pelikula. Pero sa lahat ng hirap na pinagdaanan ng aktres, ang paggawa ng Mananita ay napaka-rewarding sa kanya personally at career wise.

Nabura rin ang mga paghihirap niya dahil napili ang Mananita bilang isa sa finalists ng prestihiyosong 32nd Tokyo Film Festival. Sa walong Filipino films na napili para sa film festival, tanging ang Mananita ang napili para sa main competition kaya gayun na lamang ang pasasalamat ni Bela at ni direk Paul.

Umani rin ng mga positibong pagtanggap ang Mananita mula sa audience ng filmfest.

Kaya naman nasulit ang lahat ang hirap at sakripisyo ni Bela dahil sa mga papuring ito sa kanilang pelikula.

Ang Mananita ay mula sa direksiyon ni Paul Soriano at mula sa panulat ni Lav Diaz na ang istorya’y ibinase sa Oplan Mananita, isang anti-drug campaign na nagsimula sa Davao City noong 2016. Sa programang ito’y kumakatok ang mga pulis sa bahay ng mga drug suspects at hinaharana sila para talikuran ang ilegal na droga.

Mapapanood ang Mananita sa December 4 handog ng Ten17P at Viva Films.

SHOWBIZ KONEK
ni Maricris Valdez Nicasio  

 

 

About Maricris Valdez Nicasio

Check Also

Gladys Reyes Christopher Roxas

Gladys mahirap pantayan, tumatak na bilang bida-kontrabida

HARD TALKni Pilar Mateo TRULY! Maituturing na Darlingsof the Press ang power couple na sina Gladys …

Gandang Gabi Vice Angel Locsin PGT

Ogie Diaz kinompirma, dating show ni Vice Ganda na GGV ibabalik; Angel mapapanood sa PGT?

MA at PAni Rommel Placente IBINALITA ni Ogie Diaz sa vlog nila ni Mama Loi at Tita Jegs na Showbiz Update na ibabalik …

Barbie Hsu Connected Meteor Garden

Barbie Hsu bahagi na ng Pinoy culture

PUSH NA’YANni Ambet Nabus MARAMI pa rin ang nagbibigay ng kanya-kanyang ‘pasasalamat’ sa yumaong si Barbie …

Maymay Entrata Pia Wurtzbach Heart Evangelista

Maymay posibleng gayahin Pia at Heart, kakarerin projects sa int’l runway

PUSH NA’YANni Ambet Nabus BONGGA rin ang goal ni Maymay Entrata na re-introduce ang sarili very soon. …

Captain Pilot Janah Zaplan

Janah Zaplan, nagtapos na Cum Laude ng kursong BS in Aviation, major in Flying

ALAM MO NA!ni Nonie Nicasio SOBRANG nakaka-proud talaga itong singer/recording artist/actress na si Janah Zaplan. Kamakailan …

Leave a Reply

Your email address will not be published. Required fields are marked *