Malacañang nakiramay sa pagpanaw ni Gokongwei

NAGPAABOT ng paki­kiramay ang Palasyo sa naulilang pamilya ng business tycoon na si John Gokongwei Jr.

Ayon kay presidential spokesman Salvador panelo, kinikilala ng taong bayan ang kuwento ng buhay ni Gokongwei kung paano nagsimula at naging matagumpay na negosyante.

Isa rin aniyang generous philan­thropist  si Gokongwei na aktibo sa mga kawanggawa.

Sinabi ni Panelo, si Gokongwei ang isang katangi-tanging halim­bawa ng isang Filipino na naging masipag, disipli­nado,at naging pursigido kung kaya umunlad sa buhay.

Base sa Forbes maga­zine ngayong 2019, si Gokongwei ang pinaka­mayamang tao sa Filipi­nas na mayroong yaman na 5.3 bilyong dolyar.

(ROSE NOVENARIO)