Wednesday , August 10 2022

Dispersal sa RFC picket line marahas, 4 sugatan, 23 arestado

SUGATAN ang apat katao habang 23 ang inaresto sa marahas na dispersal ng picket line sa pabrika ng Regent Foods Corporation (RFC) sa lungsod ng Pasig nitong Sabado ng umaga, 9 Nobyembre.

Sumiklab ang karaha­san dakong 9:00 am nang i-disperse ng mga guwar­diya ng RFC ang mga nagpoprotestang traba­hador ng snack manu­facturer para sirain ang picket line sa Jimenez St., corner Elisco Rd., sa Barangay Kalawaan sa naturang lungsod.

Sa ulat sinabing, nagsimulang magliparan ang malalaking bato, bakal, at mga kahoy sa nasabing picket line nang magresponde ang mga guwardiya, at mga tauhan ng Philippine National Police Civil Disturbance Management (CDM) team.

Dinala ang mga sugatan sa Rizal Medical Center upang mabigyan ng atensiyong-medikal habang dinala sa kusto­diya ng Pasig City Police Station ang mga nadakip upang harapin ang mga kasong physical injuries, illegal possession of a bladed weapon, at alarms and scandal.

Ipinoprotesta ng tinatayang 50 miyembro ng Regent Foods Workers Union ang hindi makata­rungang pagtrato sa mga manggagawa at tangkang pagbuwag sa kanilang unyon ng kompanyang gumagawa ng mga produktong Snacku, Cheese Ring, Tempura, Sweet Corn, Cheese Ball, Labzter, Custard Cake, at iba pang snack products.

Hinihiniling ng mga manggagawa ang pagpa­patupad ng kanilang col­lective bargaining agree­ments, regulari­sasyon, at iba pang benepisyo.

Samantala, pinanga­siwaan ni P/Col. Moises Villaceran Jr., hepe ng Pasic City police, ang isang dialogo sa pagitan ng pinuno ng mga striker at lider ng RFC security guards ngunit nagkaroon ng hindi pagkakaintin­dihan.

Matapos ang pag-uusap, nagkagulo ang mga manggagawa at mga guwardiya, dahilan upang mamagitan ang mga tauhan ng CDM.

About hataw tabloid

Check Also

Lunod, Drown

Sa Zambales
3 NILAMON NG ALON, 13-ANYOS NAWAWALA

HINDI nakaligtas sa malakas na hampas ng alonang tatlo katao habang nawawala ang kasama nilang …

bugbog beaten

Kinuyog ng 5 katao
16-ANYOS BINATILYO TODAS

BINAWIAN ng buhay ang isang binatilyo matapos pagsasaksakin at pagnakawan ng limang suspek sa Brgy. …

fire dead

Sunog sumiklab sa Bataan
MAG-AMA PATAY, 14 BAHAY NATUPOK

PATAY ang isang lalaki at kanyang 20-anyos anak na babae sa sunog na tumupok sa …

arrest posas

Top 3 MWP sa kasong rape nasakote

HINDI na nakapalag ang isang lalaking may kasong panggagahasa matapos arestohin ng pulisya sa pinagtataguan …

arrest, posas, fingerprints

Scammer nagpanggap na ‘US Army’ arestado

DINAKIP ng mga pulis sa lungsod ng Tarlac ang isang babaeng hinihinalang sangkot sa ‘package …

Leave a Reply