BALIK-PELIKULA si Manila Mayor Francisco “Isko Moreno” Domagoso!
Makakasama ni Mayor Isko ang isa sa mga sikat na aktor na si Coco Martin para sa entry sa 2019 Metro Manila Film Festival.
Tampok ang dalawa sa “3pol Trobol: Huli Ka Balbon,” na mapanonood ngayong Pasko.
Ayon kay Moreno, gaganap siya bilang alkalde sa naturang pelikula.
Bagamat maikli ang role ay aminado siyang nasabik siya sa pagbabalik pelikula.
Ang makukuhang talent fee rito ni Moreno ay deresto ulit sa mga tao at/o institusyong nangangailangan gaya ng Philippine General Hospital (PGH).
Nakiusap si Isko na huwag bigyan ng malisya ang kanyang endorsements dahil ito umano ay trabaho.
