Friday , March 29 2024

Nadine Lustre, nahihirapan at emosyonal sa Your Moment

HINDI kasama ni Nadine Lustre ang boyfriend na si James Reid sa bagong talent reality format sa ABS-CBN, ang Your Moment kaya naman hiningan ito ng reaksiyon sa pagkakahiwalay nila ng trabaho.

“Like I said po before hindi naman po puwedeng parati kaming magkadikit, kailangan mayroon din kaming time mag-grow separately kasi lagi naman pong ganoon para at least ‘pag nagkaroon kami ng projects in the future, lahat ng tao ma-excite naman,” katwiran ng girlfriend ni James.

At sa pagiging isa sa hurado ay inamin ni Nadine na hindi madali para sa kanya.

“Honestly, mahirap mag-judge kasi lahat ng contestants napakagagaling kaya at the end of their performances, since very emotional na ako at sabi nga kung paano ‘yung emotional meter parang every after performance, kapag nagtatanggalan na sabi ko, ‘oh my God, sana hindi sila ‘yung natanggal!’

“Kaya lang siyempre mayroon at mayroong darating na mas magaling sa kanila kaya survival of the fittest talaga.”

Inilarawan naman ni Boy Abunda kung paano ang aktres bilang hurado, “Nadine has a very strong opinion, let’s be very honest kasi siyempre lahat kami madadaldal at from the very beginning, we made sure that she was heard kasi ‘yung baon niyang point of view ay iba.”

Nabanggit din ng dalaga na noong tanggapin ni James ang Idol Philippines bilang isa sa hurado ay humingi sa kanya ng tips ang boyfriend.

“Sa akin po siya humingi ng tips (sabay tawa kasama sina Billy Crawford at Kuya Boy).  Kasi ‘di ba nag-judge rin po ako saglit sa ‘Ms Q and A’ (It’s Showtime), so tinatanong po niya ako kung paano ko nasasabi o napapansin ‘yung performance, paano mo naiisip kung ano ‘yung gusto mong sabihin o gusto mong i-comment. This was before pa –start palang ‘yung ‘Idol Philippines,’” pambubuking ng aktres.

Mapapanood na ang Your Moment sa Nobyembre 9 kasama sina Luis Manzano at Vhong Navarro bilang hosts; sina Boy, Nadine, at Billy naman ang mga hurado.

Magsisimula sa black and white ang bawat performance ngunit habang tumatakbo ito ay unti-unting magkakakulay at magkakailaw ang stage, samantalang tatlong beses namang kailangang magbigay ng score ang judges gamit ang ‘emotion meter knob’ mula sa pinakamababang score na 1 hanggang sa pinakamataas na 10. Lalabas din sa screen ang ‘emotion meter’ na ipakikita ang scores ng judges sa tuwing papatak sa tatlong ‘time markers’ (20 segundo, 60 segundo, at 90 segundo) ang performance.

Apat na levels ang kailangang pagdaanan ng acts sa kompetisyon bago tanghaling grand champion: ang Your First Moment, Your Moment of Choice, Your Moment of Power, at Your Grand Moment.

ni Reggee Bonoan

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *