Thursday , March 28 2024

Sarah, napakahusay, lalong mamahalin sa Unforgettable

TAMA ang tinuran nina Direk Jun Lana at Perci Intalan na mamahalin lalo si Sarah Geronimo kapag napanood ang Unforgettable dahil napakagaling niyang nagampanan ang karakter niya bilang si Jasmine, isang gifted special child na hangad ang mapagaling ang lolang may sakit, si Gina Pareño sa pamamagitan ng pagpapakita sa alagang aso, si Milo.

Kakaibang Sarah nga ang napanood namin sa pelikula. Unique kumbaga ang kanyang karakter. Napakagaling niya. Nakita namin ang ikinuwento nina Direk Jun at Perci na walang kaarte-arte ang aktres nang gawin ang eksenang nahulog/nadulas sa ilog. Doo’y walang kiyeme si Sarah na tumapak sa putikan, dumausdos sa lopes, at nalubog sa tubig na feeling ko nga, malamig ang tubig at matagal-tagal din ang pagkakababad niya sa tubig ha, pero okey lang.

Maraming dramatic moments si Sarah na talaga namang bato ka na kung hindi ka maiiyak. Talagang makadurog puso ang pag-iyak niya nang nawala si Milo at nang hindi na magising ang kanyang lola. Grabe ang iyak doon ni Sarah, iyong iyak ng isang paslit.

Kita rin sa pelikula na mahilig talaga sa aso si Sarah dahil parang ang tagal-tagal na nilang nagba-bond ni Milo. Kaaliw ang mga tagpo nilang dalawa.

Sabi nga ni Direk Jun, ”Parang kulang ang salita para maiparamdam ko kung gaano kami kasaya sa kanya, how rewarding the experience was working with a star like Sarah Geronimo. Napaka-professional, very committed. Marami kaming hininging araw labas doon sa shoot para mag-reasearch, para mag-bond sa aso, and ibinigay niya lahat iyon with no questions asked. And then napakatalino.”

Samantala, napatunayan pa ni Direk Perci kung bakit mahal ng fans si Sarah matapos ang premiere night nila noong Lunes ng gabi sa SM Cinema.

Sa post niya sa kanyang Facebook account, sinabi nito kung paanong walang kaarte-arte sa katawan si Sarah, kung gaano ito kasimple, at kung paanong hindi ipinaramdam ang pagiging isang malaking artista.

Pinuri rin ni Direk Perci ang pagtutok ni Sarah sa pagtatrabaho gayundin sa pagpapahalaga sa kanyang fans. Dahil dito, nalaman ni Direk Perci kung bakit mahal ng fans si Sarah.

Narito ang kabuuang post ni Direk Perci, ”I had a Notting Hill moment tonight. Since January I was with this girl at meetings, at script readings, at the look test and at 25 or so days of filming. She was so down to earth and so simple and unassuming. She didn’t make anyone feel that she was bigger than any of us. She was there to work, like all of us. And we simply had a good time doing so.

Then tonight we went to the holding area and saw her all glammed up. The guards lined up and escorted us out the hallway and we emerged here, with all the screams from all the fans. And she was switched on. She worked the crowd and cameras like the pro she is. And I looked at the girl I knew and here she is now… enchanting, dazzling, a star.

Now I know for sure why people adore Sarah G.”

Palabas na sa mga sinehan ang Unforgettable simula ngayong araw, Oktubre 23 at tampok din sina Regine Velasquez, Anne Curtis, Cherie Gil, Tirso Cruz III, Yayo Aguila, Ara Mina, Kim Molina, at Meg Imperial. Mula ito sa Viva Films at The IdeaFirst Company.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *