Friday , March 29 2024
Leni Robredo Bongbong Marcos

BBM mas olats ngayon… Protesta ni Marcos dapat nang ibasura

KINOMPIRMA ng opisyal na ulat mula sa Presidential Electoral Tribunal (PET) na mas lumaki pa ang lamang ni Vice President Leni Robredo laban kay Bongbong Marcos.

Ayon sa committee report na inilabas ng PET, nakakuha ng dagdag na 15,093 boto si Robredo mata­pos ang manual initial recount na isina­gawa sa mga probinsiya ng Iloilo, Negros Oriental, at sa baluwarte niyang Camarines Sur — mga probinsiyang si Marcos mismo ang pumili.

Dahil sa naging resul­ta, idiniin ni acting Chief Justice Antonio Carpio, na dapat nang ibasura ang protesta ni Bongbong.

Ayon kay Carpio, ginagawang katatawanan ni Marcos ang proseso sa pagpupumilit na ituloy pa ang kaniyang kaso.

Alinsunod ang pag­basura ng protesta sa sariling panuntunan ng PET, na nagsasabing dapat malaki ang maba­wi ni Marcos sa recount, upang payagang ituloy ito.

Dahil dito, lalong lumalakas ang pana­wagan ng iba’t ibang sektor na ibasura na ang kaso.

Sa mga pahayag kamakailan, sinabi ng Makati Business Club at ng iba pang grupo ng mga negosyante na dapat ay agaran nang maresolba ang kaso, upang maba­wasan ang pag-aalin­langan ng ibang investors dahil sa “political at judicial uncertainty” sa bansa.

Samantala, nagbabala ang ilang eksperto, gaya nina dating Comelec commissioner Goyo Lar­razabal at dating Supreme Court Chief Justice Arte­mio Panganiban, tungkol sa ikatlong cause of action sa kaso ni Bongbong laban sa Bise Presidente.

Anila, hindi basta-basta mapapawalang-bisa ang mga boto sa mga probinsiya ng Lanao del Sur, Basilan, at Maguin­danao, dahil magka­karoon pa ng special elections.

Nagpahayag rin ng pagtutol sa posibilidad na ito ang mga opisyal mula sa Bangsamoro Autonomous Region in Muslim Mindanao (BARMM), na tila nain­sulto sa pag-aakusa ni Marcos na nagkadayaan sa kanilang rehiyon.

Ayon kina Deputy Speaker at Basilan District Rep. Mujiv Hataman at BARMM Assemblyman Zia Alonto Adiong, wa­lang duda na nanalo sa kanilang lugar si Robredo, dahil ito ang kaisa-isang kandidato na nagpakita ng interes sa dating ARMM noong kampanya.

Ayon kina Hataman at Adiong, sinadya talaga ng Bise Presidente na makadalaw doon, at labis itong tumatak sa puso ng mga taga-BARMM.

HATAW News Team

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *