Friday , January 28 2022

Mapua, binulabog ng bomb threat (Pekeng IED natagpuan)

BINULABOG ng bomb scare ang Mapua University kahapon ng umaga mula sa nagpakilalang miyembro ng ‘New People’s Army (NPA)’ sa Intramuros, Maynila ngunity kalaunan ay natuklasang ‘hoax’ at bomb scare ang naganap.

Dahil dito, tuluyan nang sinuspende ng Mapua manage­ment ang klase at ipina­tupad ”Digital Day” o ang klase ay gaganapin online.

Nabatid na isang text message, mula sa hindi inilabas na numero ang natanggap ng isang estudyante, na nagpaabot sa security guard na si Alvin Manzano dakong 8:20 am.

Nakasaad sa mensahe ang bantang, “Kami ang New People’s Army nagtanim ng bomba sa loob ng mapua Uni­versity, Intramuros, Manila. Makikita ang isa sa loob ng CR malapit sa N12, 9am magsimula ang pagsabog mabuhay ang NPA!”

Mabilis na pinuntahan ni Manzano ang naturang CR at nakita ang isang bottle container na may nakakabit na orasan.

Idineklara ng mga tauhan ng Manila Police District -Explosives and Ordnance Division (MPD-EOD) bilang ‘hoax’ o pekeng bomba dahil walang kompletong component ng pampasabog.

Nagsagawa ng inspeksiyon ang EOD at dakong 11:00 am nang ideklarang negatibo sa bomba at iba pang hazardous materials ang Mapua, Intramuros campus.

Tiniyak ng pamunuan ng unibersidad na patuloy silang nagpapatupad ng mahigpit na security measures sa kanilang mga campus dahil ang kaligtasan ng mga estudyante at mga empleyado ang kanilang pra­yoridad.

Magugunita na noong 19 Setyembre ay nagsuspende rin ng klase ang Mapua University sa kanilang Intramuros at Makati campus dahil sa natanggap na bomb threat.

Nabatid na examination week nang makatanggap ng bomb threat ang Mapua sa Maynila at sa Makati.

(BRIAN BILASANO)

About Brian Bilasano

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply