Emma Cordero, patuloy ang advocacy para sa scholarship ng mga batang mahihirap

GAGANAPIN ang 4th year ng World Class Excellence Japan Awards sa Amikas Hall sa Fukuoka Japan sa October 14, 2019 at sa Filipinas naman ay sa Heritage Hotel ang venue nito sa October 26. Ang naturang event ay pi­nangu­ngu­nahan ng kilalang singer na si Emma Cordero, na ngayon ay nakabase na sa Japan.

Esplika ni Ms. Emma ukol sa nasabing event. “Ito ay isang three in one big event, na iyon ay isang beauty contest, charity show at red carpet awarding ceremony ng World Class Excellence Japan Awards. This is a benefit event for the children’s education and general welfare of the less fortunate people.

“Ang ilan sa awardees dito ay sina Congresswoman Maria Fe Abunda, Congress­man Ben Evardone… may mga awardee rin kami sa India, Sweden, Ukraine, Japan, at Philippines. Dito sa Philippines, isa sa major awardee ay si Gabby Concepcion bilang Outstanding Actor.”

Dagdag ni Ms. Emma, “Iyong mga proceed ng charity show ko ay roon napupunta, sa mga charitable projects. Like, may mga scholars kami sa Our Lady of Fatima de San Pedro School (OLFSPS). Kasi kung sa pagkanta ko lang, ay hindi kakayanin, kaya kailangan naming humanap ng ibang pagkukuhaan ng funds para sa charity project na ito.

“Plus, any profession ang binibigyan namin ng awards, hindi lang sa mayayaman at hindi lang sa mga big time na businessman. Binibigyan din namin ang mga may talent na hindi nabibigyan ng chance, tulad ng mga singer na hindi nabibigyan ng chance at hindi sila nae-expose.”

ALAM MO NA!
ni Nonie Nicasio