Sunday , May 19 2024

Kim Molina, keri nang magbida

INGAY NA INGAY at nangawit ang aming panga sa katatawa sa unang pinagbidahang pelikula ni Kim Molina, ang Jowable na palabas na ngayong araw sa mga sinehan, handog ng Viva Films at idinirehe ni Darryl Yap.

Mula umpisa hanggang katapusan, walang puknat ang katatawa namin dahil talagang ang gagaling ng mga artistang nagsiganap sa Jowable, lalo na si Kim. Sa galing nga ng aktres, keri na niya talaga ang magbida at pang best actress ang ipinakitang arte ha. Kung sabagay, magaling talaga si Kim na unang nakita sa jukebox musical na Rak of Aegis.

Si Kim si Elsa sa pelikula, isang certified NBSB (no boyfriend since birth) na naging lasengga dahil walang lalaking nagkakagusto. Nagtataka siya kung bakit lahat ng kaibigan niya ay may lovelife pero siya, waley. Ke gandang babae nga naman walang BF samantalang ang kaibigang beki, may BF.

Bukod sa pagtawa, pinaiyak din ni Kim ang mga nanood sa premiere night dahil sa breakdown scene niya na monologue sa loob ng sinehan, ito ‘yung “pinadudurog” niya kay Lord ang kanyang “mani.”

Ang tagpong ito ang sinasabing naka-offend na napanood sa trailer ng pelikula dahil tila nabastos daw ang simbahan. Pero dapat palang panoorin muna ang pelikula bago husgahan dahil hindi offensive ang dating ng eksenang iyon kundi hahanga at mamahalin pa si Kim. Ito kasi iyong umabot si Elsa sa pagpunta sa simbahan para magmakaawa kay Lord na bigyan siya ng boyfriend. Malalim ang hugot ng aktres at hindi lang basta ukol sa pagdurog sa “mani” ha.

Bukod dito, pinakakuwela rin ang tagpo nina Kim at Candy Pangilinan (na gumaganap na isang madre). Tinanong kasi ni Elsa si Candy kung virgin pa at kung at nagpi-finger ba. At nakakaloka ang sagot ng madre kaya hagalpakan na naman ang mga manonood. Kung ano iyon, watch n’yo dahil for sure, gugulong kayo sa katatawa.

Kaa­bang-abang din ang love scene nina Kim at Jerald Napoles. Na sabi nga, hindi ka madadala sa bedscene na ginawa ng dalawa kundi matatawa ka. Bakit? Kakaibang bed scene kasi iyon.

Maganda rin ang paghaharap nina Kim at Kakai Bautista na nanay niya sa pelikula. Bagay silang mag-ina. Ang bongga nito, pramis.

Kaya sa mga nagsasabing bastos, malaswa ang Jowable, manood muna. Dahil doon n’yo lang maiintindihan ang mga pinaghuhugutan ni Elsa.

Ang Jowable ay mula sa Viva Films na binigyan ng R-13 classification ng MTRCB dahil sa ilang maseselang eksena.

Kasama rin sa pelikula sina Cai Cortez, Chad Kinis, Fabio Ide at marami pang iba.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *