Friday , January 28 2022

Kelot patay, 2 sugatan sa trip ng 4 senglot

ISANG lalaki ang nama­tay habang sugatan ang kanyang dalawang kasa­ma nang makursu­nada­hang bugbugin ng apat na lasing sa Caloocan City, kamakalawa ng madaling araw.

Dead on arrival sa Caloocan City Medical Center (CCMC) ang bikti­mang kinilalang si Richard Gregorio, 50 anyos,  ng Brgy. Tugatog sanhi ng pinsala sa ulo, habang bugbog at sugat sa muk­ha ang pinsala ni Simpli­cio Navarro, 49 anyos, residente sa Dulong Bronze St.,  at Luisito Bayan, 50 anyos, ng Brgy. Tugatog, Mala­bon City.

Nagtangkang tuma­kas ang mga lasing na suspek  ngunit agad naaresto ng pulisya na kinilala ni Caloocan police chief P/Col. Noel Flores, na sina Rolly John Alave, 24 anyos; Raky Pacite, 24 anyos; parehong driver at crew, mga residente sa Nirvana St., Tugatog Malabon City; Benmar Caritay, 23 anyos, welder; at Rogelio Barraquillo, 20 anyos, kapwa  residente sa General Pio Brgy. 78, CaIoocan City na naha­harap sa kasong murder.

Lumabas sa imbestigasyon ni P/Cpl. Mark Julius Pajaron, dakong 3:00 am nang maganap ang insidente sa kahabaan ng MacArthur Highway sa harap ng SM Hypermarket Monu­men­to Circle habang nagla­lakad ang mga biktima para bumili ng sigarilyo.

Nabatid na nilapitan ng mga suspek ang mga biktima at sa hindi mala­mang dahilan kinom­pronta ang tatlo saka pinagtulungan bugbugin hanggang mapuruhan at mawalan ng malay si Gregorio at Navarro.

Mabilis na isinugod ang mga biktima sa naturang pagamutan ngunit hindi na umabot nang buhay si Gregorio habang nadakip ang mga suspek ng mga nagres­pondeng pulis.

(ROMMEL SALES)

About Rommel Sales

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply