Sunday , May 19 2024

2 laborer patay sa demolisyon ng hotel sa Malate

PATAY na nang marekober ang dalawang construction workers, anim na oras matapos madaganan ng mga debris sa ginigibang lumang gusali na inookupa ng Hotel Sogo sa A. Mabini St., Malate kahapon ng umaga.

Nabatid sa ulat, tinatayang 22 trabahador ang nasa loob nang mangyari ang pagguho habang isinagasagawa ang demolisyon.

Umabot nang halos anim na oras bago tulu­yang nakuha ang labi ng isa sa biktima na kinila­lang si Melo Ison habang ang isa pang biktima na si Jerome Fabello, ay nahirapang kunin sa pagkakadagan ng debris at biga.

Sa panayam kay Manila Mayor Francisco “Isko Moreno” Doma­goso, komplikado aniya ang sitwasyon ng natitira pang biktima dahil ang katawan nito ay nada­ganan ng biga kaya nahihirapan maging ang rescue team dahil maaari silang mapahamak.

Sinabi rin ng alkalde, kanilang aalamin kung may pananagutan ang contractor at pamunuan ng SOGO.

Nangyari ang paggu­ho pasado 9:00 am at nakuha ang bangkay dakong 3:14 pm.

Nagpapatuloy ang retrieval operation sa isa pang biktima na si Fabello habang isinusulat ang balitang ito.

Nabatid na ang gusali ng Hotel Sogo, ay may demolition permit na inisyu sa Golden Breeze Realty Inc.

Pansamantalang ipi­na­­sara ni Moreno ang branch sa katabing gusali na nagpapatuloy sa pag­tanggap ng guest gayong may nangyari nang pagguho.

Pinalabas din ang mga kasalukuyang naka-check in sa katabing branch para sa kanilang kalig­­tasan habang isina­sagawa ang rescue and retrieval operation sa lugar. (May kasamang ulat ni BRIAN BILASANO)

About Brian Bilasano

Check Also

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

Leave a Reply

Your email address will not be published. Required fields are marked *