HATAW! D'yaryo ng Bayan hatawtabloid.com
HAPPY ang mahusay na child actor na si Kenken Nuyad dahil nakatrabaho niya sa unang pagkakataon ang mahusay na aktres na si Ria Atayde, via Parasite Island ng ABS CBN. “First time ko po nakatrabaho si Ate Ria, sooobrang bait po niya. Kasi, lagi niya po kami inaalalayan sa bawat eksena at nang may eksena kami na mahirap, pagkatapos niyon sabi po niya, ‘Ano nasaktan ba kayo?’
“Tapos ay nagkukuwentohan kami sa set, ang bait pala niya. Akala ko po ay hindi, kasi seryoso noong una po kaming nagkita. Idol ko po kapatid ni ate Ria, si kuya Arjo (Atayde) dahil ang galing-galing niya sa The General’s Daughter,” pahayag ni Kenken na napapanood din sa top rating TV series na FPJ’s Ang Probinsyano ni Coco Martin.
Dagdag niya, “Ang Parasite Island po, isa siyang isla na may kababalaghan kung saan nanggaling ang linta at paano nagkaroon ng taong linta.”
Gumaganap si Ria rito bilang asawa ni Rafael Rossel at si Kenken naman ay si Crispin, ang sakristan na inampon ng pari.
Ipinahayag din ni Kenken ang pasasalamat sa mga nasa likod ng Wansapanataym na siyang naghahatid ng Parasite Island dahil nagiging suki na siya rito. “Second time na po nila akong kinukuha sa wansa, kaya nagpapasalamat ako sa kanila and happy po ako…
Abangan sana po nila palagi ang Wansapanataym Presents: Parasite Island, every Sunday po, 7pm.”
ALAM MO NA!
ni Nonie Nicasio
