Friday , March 29 2024

Dahil sa curfew ni Mayor Isko… 1,998 menor de edad nasagip sa Maynila

UMABOT sa 1,998 menor de edad ang nasa­gip ng Manila Police District (MPD) maka­raang ipag-utos ni Manila Mayor Francisco “Isko Moreno” Domagoso ang mahigpit na pagpa­patupad ng ordinansa partikular ng curfew hours sa lungsod.

Nabatid kay Manila Police District (MPD) Director P/BGen Vicente Danao Jr., mula nang kanilang ikinasa ang mga oeprasyon noong  2 Setyembre hanggang 12 Setyembre 2019 ay patu­loy na nadaragdagan ang datos at nasasanay na ang mga Manileño na manatili sa loob ng bahay tuwing gabi.

Nabatid, dakong 10:00 pm nitong 11 Setyembre hanggang 4:00 am ng 14 Setyembre, ay 104 menor de edad ang nasagip.

Base sa nasabing datos, 45 ay nasa kustodiya na ng Response Action Center/Manila Department of Social Welfare habang 59 sa kanila ay naisama nang umuwi ng kanilang mga magulang sa kanilang tahanan.

Ani Danao, “Tuloy-tuloy na ipatutupad ang  Revised Ordinance 8547 para makatiyak na mai­lalayo ang mga kabataan sa kapahamakan parti­kular sa disoras ng gabi.

Magugunita, noong 1 Setyembre, iniutos ni Mayor Isko ang pagpapa­tupad ng curfew hours sa lungsod, mula 10:00 pm hanggang 4:00 am, nang personal na masaksihan ang riot sa pagitan ng mga batang hamog, at maaktohan ang ilang menor de edad habang gumagamit ng solvent sa lansangan.

Napagalaman, sa 1,998 nasagip ng MPD ay 340 ang nakalawit ng MPD PS1, 315 ng Moriones Police Station, 194 sa Sta. Cruz Station (PS3), 159 sa Sampaloc (PS4), 317 Ermita Station, 189 Sta. Ana Police Station, 124  Abad Santos Police Station (PS7), 73 Sta. Mesa Station, 110 Malate Police Station, 105 Pandacan (PS10), 53 sa Binondo (PS11), at 19 kabataan ang nasagip ng Special Mayor’s Reaction Team (SMaRT) City Hall detachment.

Samantala, binalaan ni Mayor Isko ang mga magulang na mahaharap sa multa at pagkabi­langgo kung mapapa­tunayang nagpapabaya sa kanilang mga menor de edad na anak.

(BRIAN BILASANO)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *