NAGKAISA ang mga ahensiya, institusyon, at stakeholders para suportahan ang pagdiriwang ng Isang Daang Taon ng Pelikulang Pilipino. Gaganapin ang commemoration ng centennial sa 12 Setyembre 2019 at mamarkahan ng FDCP ang napakahalagang okasyong ito sa Sine Sandaan: Celebrating the Luminaries of Philippine Cinema sa New Frontier Theater sa Quezon City.
Para bigyang-karangalan ang glory days ng Pelikulang Pilipino, ang Sine Sandaan ang magsisilbing kick-off sa year-long celebration. Itinakda ang gabing ito para ipagdiwang ang legends, icons, luminaries, at unsung heroes ng Pelikulang Pilipino. Magkakaroon ng musical at entertainment extravaganza na ibibida ang journey ng Pelikulang Pilipino sa isang daan nitong taon. Ang Sine Sandaan ay co-presented ng CMB Film Services at ABS-CBN at sinusuportahan ng Department of Tourism (DOT), Araneta Group, at Fashion Designers Association of the Philippines (FDAP).
Dadaluhan ito ng mahigit sa 300 most influential names sa Pelikulang Pilipino sa harap at likod ng camera na naging malaki ang ambag sa pagsulong nito. Tampok din sa event ang moving performances na nagha-highlight ng Isang Daang Taon ng Pelikulang Pilipino para sa paggunita sa once-in-a-lifetime milestone ng local film industry. Gaganapin ito para bigyang-parangal ang pelikulang “Dalagang Bukid” ni Jose Nepomuceno, na itinuturing bilang pinakaunang Filipino-produced at directed feature film.
Sa nationwide celebration na ito, nakipagtulungan ang FDCP sa ABS-CBN Network para sa coverage at broadcast ng event. ”We are truly grateful for everyone’s support and acknowledgement of Sine Sandaan, including ABS-CBN who will broadcast the event to ensure that the Filipino audiences nationwide and worldwide will get the chance to witness this once-in-a-lifetime celebration,” sabi ni FDCP Chairperson Liza Diño.
“We are looking forward to more stakeholders as supporting not just Sine Sandaan for the next year, but the whole of Philippine Cinema. This is the chance to bring everyone together as one film industry!” dagdag niya.
Susundan ang pagdiriwang para sa centennial year ng Philippine Cinema ng Pista ng Pelikulang Pilipino (PPP) 2019, ang week-long exclusive screening ng Filipino genre films na magbubukas para sa selebrasyon ng Sandaan. Ang PPP 2019 awards night naman ay nakatakda sa 15 Setyembre sa One Esplanade, Pasay City.
ALAM MO NA!
ni Nonie Nicasio