Tuesday , May 28 2024

Sylvia at JM, sobrang ginalingan; Mga bida sa Pamilya Ko, walang itatapon

NAPAKAHUHUSAY! Ito ang sinabi ng lahat ng nakapanood ng celebrity screening ng Pamilya Ko noong Miyerkoles ng gabi sa Cinema 7 ng Trinoma.

Mula kina Sylvia Sanchez, JM de Guzman, Arci Munoz, at Joey Marquez talaga namang mapapanganga ka sa galing nila. Dagdag pa ang mga gumanap na anak nina Sylvia at Joey na sina Kiko Estrada, na effective na pasaway na kapatid, Kid Yambao, Jairus Aquino, ang maarte at umeeksenang si Maris Racal, Kira Balinger, ang funny at manggagayang si Mutya Orquia, at ang pinakabunsong si Raikko Mateo.

Hindi rin nagphuli ang mga gumanap na lola at lolong sina Perla Bautista at Noel Trinidad gayundin ang other woman na si Irma Adlawan.

May kanya-kanyang moment ang mga bida pero angat na angat talaga ang galing nina Sylvia at JM. Mapapamura ka sa husay ni JM lalo na roon sa hospital scene nang inatake si Joey at nagharap silang mag-ina na sinisisi ni Sylvia si JM sa nangyari kay Joey. At nang sagutin ito ng aktor na, siya man ay nawalan ng ina.

Literal na bumaha ng luha sa nasabing celebrity screening at umalingawngaw ang palakpakan at hiyawan sa galing ng mga bida sa Pamilya Ko.

Si JM ang responsableng panganay na anak si Chico, ngunit isang trahedya ang maglalayo sa kanyang pamilya na siya ring dahilan para ilagay siya ng kanyang mga magulang sa pangangalaga ng kanyang lolo at lola. Sa kabila ng malagim na nakaraan, susubukan pa rin ni Chico na mapalapit sa kanyang magulang at mga kapatid. Pero agad ding mauudlot ang kanilang saya dahil isang sikreto ang mabubunyag na gugulo sa kanilang buhay: may ibang babae ang kanilang amang si Fernan. Dito uusbong ang ibat’-ibang problemang susubok sa katatagan ng pamilya Mabunga at maging sa pagkatao ni Chico.

Sa Setyembre 9 na matutunghayan ang Pamilya Ko na tiyak makare-relate ang lahat ng manonood. Naiibang istorya ito na tiyak kaming pupukaw na naman sa bawat damdamin ng televiewers.

Kung nagustuhan ninyo ang mga naunang pampamilyang serye ni Sylvia, ang The Greatest Love at Hanggang Saan, mas magugustuhan ninyo itong Pamilya Ko. Isang paalala lang, maghanda na agad kayo ng inyong mga panyo sa panonood dahil umpisa pa lang maiiyak na kayo.

SHOWBIZ KONEK
ni Maricris Valdez Nicasio

 

About Maricris Valdez Nicasio

Check Also

Diwata

Diwata ayaw magseryoso sa lalaki — baka mawalan ako ng puhunan, maubos

SHOWBIZ KONEKni Maricris Valdez Nicasio MALAYONG-MALAYO na talaga ang naabot ni Diwata mula sa pagiging walang-wala ngayo’y …

Carlo J Caparas

Direk Carlo pumanaw sa edad 80

I-FLEXni Jun Nardo PUMANAW na ang batikang Comics King, novelist, writer, at director na si Carlo …

tiktok

Mga artista naisasantabi dahil sa mga Tiktokerist 

I-FLEXni Jun Nardo PISTA ng Holy Trinity kahapon sa lugar namin sa Balic-Balic, Sampaloc. Kaya …

blind item woman man

Television/event host gigil sa baho ng male starlet

HATAWANni Ed de Leon MAY isang television at event host na pilit kaming pinaaamin kung …

Leo Dominguez Ogie Alcasid

Manager ni Ogie na si Leo Dominguez namaalam na rin

NAUNA lang ng isang araw kay direk Carlo Caparas, namatay naman ang talent manager na si Leo …

Leave a Reply

Your email address will not be published. Required fields are marked *