Saturday , July 2 2022

49 Navotas inmates nagtapos sa ALS

UMABOT sa 49 inmates sa Navotas City Jail ang mapalad na nakakuha ng diploma sa pamamagitan ng Alternative Learning System (ALS)  na ang 15  sa kanila ay nagtapos sa elementarya at 34 ang nagtapos sa high school.

Sa  talumpati ni Mayor Toby Tiangco sa harap ng inmates, kanyang  hini­ka­yat ang mga nagsi­pag­tapos na ipagpatuloy ang magandang gawain at magsikap na matuto ng bagong kasa-nayan.

“Iwasan ninyong ma-sang­kot sa droga at iba pang masasamang aktibi­dad. Gawin ninyong pro­duktibo at makabuluhan ang panahong inilalagi ninyo rito,” payo niya.

“Mag-aral kayo ng bagong kasanayan at pag­handaan ninyo ang inyong paglaya. Sa araw na iyon, dapat handa na kayong gumawa ng bago at mas magandang buhay para sa inyong sarili at sa inyong pamilya,” dagdag niya.

Ani Tiangco, kapag nakalaya na sila, maaari silang kumuha ng mga libreng training sa Navotas Vocational Training and Assessment (NAVOTAAS) Institute o mag-aral sa Navotas Polytechnic College.

Ang NAVOTAAS Ins­titute ay naghahandog ng mga kursong tulad ng Food and Beverage Services NC II, Cookery NC II, Barista NC II, Hilot (Wellness Mas­sage), at Massage Therapy NC II. Kasama rin dito ang Contact Center Services NC II, Housekeeping NC II, Bread and Pastry Pro­duction NC II, Beauty Care NC II, Hairdressing NC II, Shielded Metal Arc Welding NC II, at iba pa.

Samantala, libreng edu­kasyon ang handog ng Navotas Polytechnic Co-llege sa mga Navoteño na gustong magkaroon ng bachelor’s degree.

“Libreng mag-aral. Sulitin ninyo ang mga programa o proyektong maihahandog ng ating lungsod sa inyo,” hikayat ng alkalde. Kasama sa mga dumalo sa graduation ceremony sina Navotas City Jail warden JCInsp. Atty. Ricky Heart Pegalan at OIC-Schools Division Superin­tendent Dr. Meliton Zurbano.

(Rommel Sales)

About Rommel Sales

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply