Wednesday , July 6 2022

Yam, pinalitan si Erich sa Love Thy Woman

KOMPIRMADONG si Yam Concepcion na ang kapalit ni Erich Gonzales sa teleseryeng Love Thy Woman na pinangungunahan nina Xian Lim at Kim Chiu mula sa Dreamscape Entertainment na idinidirehe ni Jeffrey Jeturian.

Base sa tsikang nakuha namin, hindi nagustuhan ni Erich ang unti-unting pagbabago ng karakter niya habang nagte-taping sila bagay na malayo sa unang sabi sa kanya.  Lumalabas na kontrabida siya kina Xian at Kim.

Para sa amin ay hindi naman kontrabida si Erich kundi bida-kontrabida at maganda ito para sa status niya bilang aktres na ibig sabihin ay nag-level up na ang acting niya at hindi lang pang-leading lady na bagay lang ito sa mga pasimula palang ang career o kaya hindi nakikitaan ng improvement sa pag-arte.

Kami ang nanghinayang para kay Erich dahil base sa pagkakaalam namin ay ang ganda-ganda ng karakter niya sa Love Thy Woman. 

Anyway, hindi pa namin nahihingan ng reaksiyon si Erich tungkol dito dahil kasalukuyan siyang nasa Japan kasama ang Ate Kris Aquino niya at sina Joshua at Bimby with KCA Staff, Alvin Gagui, at Bincai Luntayao.

Going back to Yam ay hindi pa nakakalimutan ng Madlang Pipol ang karakter niyang si Jade sa seryeng Halik na talagang galit sa kanya ang lahat dahil sa pangangaliwa niya sa asawang si Lino (Jericho Rosales) at kabit naman ni Ace (Sam Milby).

Ang laking impact ng Halik sa buhay ni Yam kaya kaliwa’t kanan ngayon ang imbitasyon niya sa ibang bansa para shows at personal appearances.

Katatapos lang din mag-shoot ni Yam ng horror film na Night Shift mula sa direksiyon ni Yam Laranas produced ng Viva Films at Aliud Entertainment.

At heto pagkalipas ng tatlong buwan ay magte-taping na ulit si Yam ng Love Thy Woman.

Samantala, wala namang binanggit ang Dreamscape Executives kung si Yam na ang kapalit ni Erich base na rin sa IG post ng litratong magkasama sina Yam, manager niyang si Veronique del Rosario at Dreamscape business unit head Rondel Lindayag at iba pa.

Ang caption ng litrato, “YAM CONCEPCION joins the cast of #LoveThyWoman!( Thank you, @yamconcepcion & Ms. @veroniquecorpus. Welcome to the Love Thy Woman family!”

FACT SHEET
ni Reggee Bonoan

About Reggee Bonoan

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …

Leave a Reply