Saturday , July 2 2022

Tiwala ng Pinoys kay VP Leni lalong lumalakas

LALO pang dumarami ang mga Filipino na nag­ti­tiwala kay Vice Presi­dent Leni Robredo, na nagpapatuloy sa kani­yang trabaho kahit kapos sa pondo at kaliwa’t kanan ang hinaha­rap na pagsubok sa kaniyang man­dato.

Ayon sa pinaka­ba­gong survey na inilabas ng Pulse Asia, bilib pa rin ang mayorya sa trabahong gi­na­gawa ng Bise Presi­dente, na nakakuha ng 55% approval rating sa ikalawang quarter ng taon.

Mas mataas ito ng anim na percentage points kompara sa nakuha niya noong Marso.

Samantala, luma­lakas pa ang tiwala ng taong-bayan kay VP Leni, na nakatanggap ng 52% trust rating sa June 2019 survey. Limang puntos ang itinaas nito mula noong unang bahagi ng taon.

Malaki ang pasasa­lamat ng kampo ng Bise Presidente sa paglaki ng suporta at tiwalang kaniyang natatanggap.

Ayon sa kaniyang tagapagsalita na si Atty. Barry Gutierrez, magsi­sil­bi itong inspirasyon para lalo pang pag­husayan ni VP Leni ang kaniyang trabaho — lalo na para sa mga nanga­ngailangan.

Umarangkada ang suporta kay VP Leni sa Mindanao, na nakapag­tala siya ng 57% trust rating, o pagtaas ng 14 percentage points mula Marso.

Hanga rin sa kani­yang pagtupad ng traba­ho ang mas maraming taga-Mindanao, na bi­nigyan siya ng 63% approval rating, na mas mataas nang 11 percen­tage points.

Solid pa rin ang Visa­yas para sa Bise Presi­dente, na nakatanggap mula roon ng 66% appro­val rating — mas mataas nang 9 percentage points — at 58% trust rating.

Bumuti rin ang ratings ni VP Leni sa Luzon, na nagbigay sa kaniya ng 52% approval at trust ratings.

Maugong ang tiwala sa Pangalawang Pangulo ng mga Filipino na nasa laylayan. Tumaas pareho ng 6 percentage points ang trust ratings na ibinigay sa kaniya ng Class D at E, na ngayon ay nasa 52% at 56% na.

Samantala, aprub ang mas maraming Filipino — anuman ang lagay sa buhay — sa trabahong ginagawa ni VP Leni.

Nakakuha siya ng 42% approval rating sa mga nakaaangat sa bu­hay na nasa Class ABC, pagtaas ng 4 percentage points mula Marso. Binigyan siya ng 54% ng Class D at 60% ng Class E, na parehong mas ma­taas kompara sa unang bahagi ng taon.

HATAW News Team

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply