Saturday , November 27 2021

Rep. Along natuwa, nagpasalamat sa Pangulo sa inaprobahang Tala Hospital bill

IMBES ipagyabang ang parangal na natanggap mula sa pamunuan at kawani ng Dr. Jose N. Rodriguez Memorial Hospital (DJNRMH), mas kilala sa tawag na Tala Hospital,  todong pasasalamat muna ang ipinahatid ni Rep. Dale ‘Along’ Malapitan ng District 1, Caloocan City, kay Pangulong Rodrigo Duterte, sa mabilis na pag-aproba ng kanyang bill na nagpapalawak sa nasabing ospital.

Gayonman, nagpasalamat din siya sa pamunuan ng DJNRMH sa pangunguna ni Medical Center director, Dr. Alfonso Victorino Famaran sa kanilang rekognisyon sa kanyang kontribusyon sa pagpapalawig ng serbisyong medikal at pangkalusugan ng ospital para sa kapakanan ng mga taga-Caloocan.

Tugon ni Rep. Along, sa nasabing parangal: “Layunin kong pangalagaan at palakasin ang karapatan ng mga mamamayan ng Caloocan, lalo ang mga maralitang tagalungsod, para sa lingkurang-pangkalusugan na itinatakda ng Saligang Batas.”

Muli niyang ipinahatid ang pasasalamat sa Pangulo at sa lahat nang nakiisa at tumulong mula sa pagsusumite ng kanyang panukala hanggang sa ganap na pagsasabatas nito tulad ni ex-Sen. J.V. Ejercito na kanyang naging katuwang sa Senado.

Alinsunod sa Malapitan Law, ang antas ng serbisyo at mga pasilidad ng DJNRMH ay kina­kai­langang iangat at umayon sa bagong pinapa­hintulutang karagdagan kapasidad ng paga­mutan.

Sinasabi rin sa nasabing batas ang pagda­ragdag ng kawani ng DJNRMH na ayon sa DOH (Department of Health) Revised Organizational Structure and Standard Staffing Pattern for Level III Hospitals  ay dapat umabot sa 3,801 para sa isang 800-bed capacity, Level III Hospital.

Panghuli, isinasaad din nito ang karagdagang paglalaan ng pondo para sa maayos at mabisang pagpapatupad ng Malapitan Law.

Inaasahan ng nakababatang Malapitan ang agarang pagpapatupad ng naturang batas upang ang kanyang mga kababayang may karamdaman ay mabigyan ng mas maayos at epektibong serbisyo mula sa DJNRMH gamit ang mga makabagong kagamitan at pasilidad na itinatakda ng RA 11286.

Ikinatuwa nang labis ng DJNRMH ang pag-aproba ng nasabing batas dahil bukod sa natang­gap nitong sertipikasyon para sa ISO 9001:2015, ito ay naitaon sa paglabas ng kani­lang kapahintulutang tumakbo bilang Level III Hospital.

About hataw tabloid

Check Also

CINEMA 76

Cinema ‘76 Anonas ligtas at family friendly

SHOWBIZ KONEKni Maricris Valdez Nicasio NAKATUTUWANG unti-unti nang nagbubukas ang mga sinehan. Sa dalawang magkasunod …

CINEMA 76 Shang-Chi and the Legend of the Ten Rings

Cinema ’76 perfect sa movie bonding ng pamilya

FACT SHEETni Reggee Bonoan ANG pelikulang Shang-Chi and the Legend of the Ten Rings ang …

ABS-CBN iQiyi

ABS-CBN at IQIYI sanib-puwersa sa paggawa ng mga orihinal na seryeng pinoy

SHOWBIZ KONEKni Maricris V. Nicasio NAGSANIB-PUWERSA ANG  global streaming service na iQiyi at ABS-CBN sa paggawa ng apat na …

Jackeline Chua Jyotirmoy Saha PopTV

Unang in-transit streaming service sa mga bus, kasado na
POPTV MAGPO-PRODUCE NA NG SARILING SHOWS

SHOWBIZ KONEKni Maricris V. Nicasio NAGSIMULA na noong Linggo ang pinakabagong handog ng all-Pinoy streaming app ng POPTV, ang POPTV …

SM CITY GRAND CENTRAL

The Grand Opening of SM City Grand Central

In the thriving center of Caloocan City, a grand mall has found a new beginning. …

Leave a Reply