Sunday , June 16 2024
arrest prison

4 Chinese nationals arestado sa rambol

HULI ang apat na Chinese nationals nang pagtu­lungang gulpihin ang tatlong customer na Filipino at sirain ang isang sasakyan sa labas ng isang bar sa Las Piñas City kahapon.

Nahaharap sa kasong physical injuries at mali­cious mischief ang mga suspek na sina ID Tian, 30; Li Hua, 23; Xia Chen, 26; at Zhao Zhoog Bao,34, pawang binata, residente sa Alabang Studio City, Muntinlupa City .

Kinilala ang mga bik­tima na sina Joel Caguiat, 43, may asawa, scuba diver instructor, ng 225 Generoso St.,  Barangay Talon 2, Las Piñas City; Carlos Federico Magpayo Gil, 42, may asawa, flight attendant, ressidente sa Judea St., Multinational Village, Parañaque City; at Amarante Orias Velas­co, 40, may asawa, cabin crew, ng Field Residences, Sucat, Parañaque City.

Sa pagsisiyasat nina P/CMSgt. Rene Mol­lenido, P/SMSgt. Gilbert Curaza at P/SMSgt. Jos­wey Tobias, mga imbes­tigador ng Station Inves­tigation and Detective Management Section (SIDMS), dakong 2:30 am nang mangyari  ang insi­dente sa parking lot ng Cowboy Grill sa Alabang-Zapote Road, Bgy. Al­man­za Uno sa Las Piñas City.

Nang lumabas ang mga biktima sa bar, kinu­yog umano sila at binugbog ng grupo ng mga lalaki na kinabibi­langan ng apat na Chinese nationals saka sinira ang bintana ng isang Toyota Corolla Altis na may pla­kang XJP 621, pag-aari ng biktimang si Velasco.

Agad nagresponde sina P/SSgt. Renato Calda, P/Cpl. Kimberly Acosta ng Police Com­munity Precinct (PCP-7) at mga tanod na sina Rosalie Sarmeinto, Erick Francisco, at Samuel Morales, ng Bgy. Talon, kung saan nadakip ang apat na Chinese national habang nakatakas ang iba nilang kasama.

Positibong itinuro ng mga biktima ang apat na suspek na kabilang sa nambugbog sa kanila.

Nagsasagawa ng follow-up operations ang awtoridad para sa ikada­rakip ng iba pang suspek.

 (JAJA GARCIA)

About Jaja Garcia

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *