Tuesday , June 25 2024

Bagong seaman party-list congressman American citizen, ipinetisyon sa Comelec

NAMIMILIGRONG hindi makaupo bilang kinatawan ng party-list ng mga marino (seaman) si Jose Antonio G. Lopez, makaraang kuwestiyonin ang kanyang pagiging American citizen sa Commission on Elections (Comelec).

Sa kanyang 21-pahi­nang petisyon, sinabi ni Ruther Navera Flores, residente ng Pasig City, hindi karapat-dapat na maging pangalawang kinatawan si Lopez ng Marino, Samahan ng mga Seaman Inc., Party-list ayon sa sinasaad sa Section 68 ng Omnibus Election Code at Section 9 ng Republic Act No. 7941 o ang Party-list System Act.

Sinasabi sa batas na ang sinomang immigrant o permanenteng residente sa ibang bansa  ay hindi kalipikadong tumakbo o maging kandidato  sa anomang posisyon sa gobyerno lalo kung hindi niya iniurong o tinalikuran ang kanyang pagiging foreign citizen.

Ayon kay Flores, walang ginawang legal na hakbang si Lopez upang i-waive ang kanyang American citizenship bago kumandidato nitong nakaraang May 13 polls kung kaya’t siya ay hindi karapat-dapat maging miyembro ng Mababang Kapulungan.

“Respondent Lopez is a permanent resident or immigrant of a foreign country, and, hence, clearly ineligible to run and hold public office as party-list representative for failure to satisfy the one-year residence require­ment,” ayon sa petisyon.

Malinaw na pinal­sipika ni Lopez ang mga dokumento upang luma­bas na siya ay maging kalipikadong kandidato o second nominee ng Marino party-list, ani Flores.

Mariing hiniling sa Comelec ang agarang pagresolba sa kanyang petisyon bago pormal na magbukas ang 18th Congress sa susunod na buwan at maiwasan ang ilegal na paggamit ng pondo ng bayan.

“If and when he (Lopez) will get his proclamation, then he will be entitled to use the funds of the Filipino people, that is why we are asking the Comelec to act on this petition imme­diately and observe what is just and right,” giit ni Flores.

About hataw tabloid

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *