Thursday , March 28 2024
Leni Robredo Bongbong Marcos

Lamang sa boto, umangat pa sa recount… Kampo ni VP Robredo, nanawagang ideklarang panalo sa protesta ni Marcos

MULING nanawagan ang kampo ni Vice President Leni Robredo sa Presidential Electoral Tribunal (PET) na maresolba na sa lalong madaling panahon ang electoral protest na inihain laban sa kaniya ni Bongbong Marcos.

Ito ay matapos mapa­tunayan sa resulta ng initial recount, para sa tatlong probinsiyang pinili mismo ni Marcos, na lamang talaga si Robredo sa botohan.

Nitong Huwebes, 13 Hunyo, naghain ang abogado ni VP Leni na si Atty. Romulo Maca­lintal ng isang Urgent Motion, para manawa­gan sa PET na agad resolbahin lahat ng mga nakabinbing usapin tungkol sa recount, na natapos noong Marso.

Aniya, dapat magla­bas na ng resolusyon tungkol sa muling pagbi­lang ng mga balota sa Camarines Sur, Negros Oriental, at Iloilo — na nagpapatibay sa pagka­panalo ni Robredo noong 2016.

Sa kabila ng pagga­mit ng 50-percent thres­hold sa naunang bahagi ng proseso, lumabas sa recount na matunog pa rin ang lamang ni Robre­do sa tatlong probinsiya, kung saan siya nakaku­ha ng 1,536,030 boto.

Malaki ang agwat nito sa 200,467 boto para kay Marcos.

Sa kabuuan, nagtala si VP Leni ng 14,438,750 boto, na ang lamang niya ay umabot sa 279,215 boto, mas mataas pa sa winning margin niya nang iprinoklama noong 2016.

Idiniin ng kampo ni VP Leni, sa kabila ng maigting na pagtatang­ka ng kampo ni Marcos na lokohin ang publiko, lalo sa social media, tungkol sa nangyayari sa electoral protest, ang resulta ng recount ang nagpapakita na “game over” na para kay Marcos, dahil hindi siya nakakuha ng kinaka­ilangang “substantial recovery” sa mga pro­binsiyang siya mismo ang pumili.

Ayon sa abogado ni VP Leni, inihain nila ang mosyon upang pasi­nungalingan ang paulit-ulit na pag-aakusa ng kampo ni Marcos at ng kanilang mga taga­suporta na si Robredo ang nagde-delay ng proseso.

“Gusto namin patu­nayan dito na hindi kami nagde-delay ng kaso. Kasi lumalabas na panay ang rally nila dito sa harapan ng Supreme Court na para bang kami ang nagiging cause of delay. Nais lang naming patunayan na nais din naming maresolba agad ang nasabing kaso, kasi kami ay naniniwala na wala namang nakitang ebidensiya ng panda­raya,” anang abogado ni VP Leni.

 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *