Thursday , July 10 2025

Radio program ni Erwin Tulfo sa gov’t radio station sinibak

TINANGGAL ang programa ni Erwin Tulfo sa state-run Radyo Pilipinas dahil sa pambabastos kay Depart­ment of Social Welfare and Development (DSWD) Secretary Rolando Bautista.

Imbes “Tutok Tulfo” ang umere sa 10:00-11:00 ng am kahapon, ang programang “Birada Bendijo” ni Aljo Bendijo ang narinig sa Radyo Pilipinas.

Sinabi ng source sa Palasyo, nagpasya ang pamunuan na tanggalin ang programa ni Tulfo matapos ulanin ng batikos ang pam­ba­bastos ng komentarista kay Bautista.

Nauna nang inimbesti­gahan ng Program Content and Development Committee ng Radyo Pilipinas ang kontrobersiyal na episode ng Tutok Tulfo.

Maging si Presidential Spokesman Salvador Pane­lo ay tiniyak ang suporta ng Palasyo kay Bautista.

“There’s no question about — we are supporting General Bautista; walang problema doon, talagang we are supporting him,” ani Panelo sa press briefing kahapon sa Palasyo.

Kaugnay nito, nagpa­hayag na rin ng suporta ang Association and Flag Officers (AGFO) para kay Bautista.

Ang pagbira ni Tulfo kay Bautista, anang AGFO, ay isang masamang ehemplo para sa mga bagong mama­mahayag at katibayan ng isang nag-abuso sa free­dom of expression.

Kamakalawa ay tinang­gal ng Philippine National Police (PNP) at Armed Forces of the Philippines (AFP) ang security detail ng magkakapatid na Erwin, Ben, Raffy at Ramon Tulfo.

Nauna rito, umalma ang Philippine Military Academy Alumni Assoaciation Inc. (PMAAI) sa maaanghang na salitang binitiwan ni Tulfo laban kay Bautista na miyembro ng PMA Class ‘85.

Sa kanyang radio Program noong 28 Mayo, tinawag ni Tulfo na punyeta, buang at binantaan na ingungudngod sa inodoro si Bautista dahil nabigong makapanayam ang DSWD Secretary.

(ROSE NOVENARIO)

 

 

Krystall Herbal Products and FGO Branches

About Rose Novenario

Check Also

Blind Item, man woman silhouette

Showbiz couple magkahiwalay ng kwarto 

I-FLEXni Jun Nardo HIWALAY na raw ang isang kilalang showbiz couple na may anak. Magkaiba sila ng …

Online Betting Gaming Gambling

Babala ng mga eksperto:
Pagbabawal ng online gaming kaduda-duda, black market lalakas pa

NAGBABALA ang isang kilalang ekspertong legal na maaaring lalong lumala ang epekto ng iresponsableng pagsusugal …

Senate Senado

SP Chiz may 16 pirma — JV

TIYAK na tiyak nang muling mauupo si Senate President Francis “Chiz” Escudero bilang pinuno ng …

QCPD Quezon City

P2-M shabu nasamsam ng QCPD Batasan PS 6

UMABOT sa P2 milyon halaga ng shabu ang nakompiska ng Quezon City Police District (QCPD) …

Nicolas Torre III

Drug war ni Torre, 3 tulak arestado sa P4-M droga

SA PATULOY na pagpapatupad ng gera ni Philippine National Police (PNP) Chief, Gen. Nicolas Torre …

Leave a Reply

Your email address will not be published. Required fields are marked *