Monday , July 4 2022

Dahil sa nakalusot na P1-B droga… BoC at PDEA official ipatatawag ng Senado

NAKATAKDANG ipatawag ng senado ang mga opisyal ng Bureau of Customs (BoC) at Philippine Drug Enforcement Agency (PDEA) bunsod ng panibagong pagkakalusot ng 140-kilos ng droga sa Aduana na nagkakahalaga ng P1-bilyon.

Ayon kay Sen. Panfilo Lacson, Chairman ng Public Order Committee ng Senado, sa pagbubukas ng 18th Congress ay ipatatawag niya sina BOC Comm. Leon Guerrero at dalawa nitong kaklase sa Philippine Military Academy (PMA), na sina retired Gen. Donato San Juan, at Gen. Raniel Ramiro.

Ipapatawag si PDEA Dir. Gen. Aaron Aquino upang matanong kung bakit nakalusot pa rin ang nasabing droga gayong mahigpit ang kanilang ginagawang pagbabantay sa lahat ng shipment na dumarating sa bansa at kung ano ang partisipasyon ng ahensiya sa nabistong auction ng droga.

Nagtataka ang senador kung bakit ipinasubasta pa ang mga kontrabando na dapat sana ay kinokompiska base sa Customs Modernization and Tariff Act upang sirain o kaya’y sunugin.

“Hindi mo na kailangang pag-isipan pa para makita ang mga butas sa gawa-gawang kuwento ng mga opisyal ng mga nasabing ahensiya” ayon kay Lacson.

Pero depensa ng mga opisyal ng BoC at PDEA, sinadya umano nilang ipasubasta ang mga droga para gamiting ‘pain’ para matunton ang tunay na may-ari nito.

Buwelta ni Lacson, hindi kapani-paniwala, sa halip ay ‘panlilinlang’ sa publiko ang alibi ng mga nasabing opisyal.

Si Guerrero ang pangatlong commissioner ng BoC na inilagay ng Pangulo matapos sibakin noong nakaraang taon si retired P/Gen. Isidro Lapeña dahil nalusutan din ng anim na bilyong pisong halaga ng shabu na itinago sa magnetic lifters na narekober sa Cavite.

Pinalitan ni Lapeña bilang hepe ng BoC si Nicanor Faeldon, na dating Philippine Marines officer, matapos malusutan nang higit sa P1 bilyong shabu pero narekober sa Valenzuela.

Si Guerrero ay miyembro ng PMA class 1984 habang si Lapeña ay nagtapos sa naturang academy noong 1975 habang si PDEA chief Aquino naman ay graduate ng PMA class 1985.

About hataw tabloid

Check Also

Bulacan Airport Special Economic Zone

Bulacan Airport Special Economic Zone ibinasura ni Marcos, Jr.

IPINAWALANG BISA ni Pangulong Ferdinand Marcos, Jr., ang House Bill No. 7575 na naglalayong gawing …

Malacañan

Palasyo dumistanya
Bonggang birthday party ni Imelda Marcos, binatikos ng netizens

DUMISTANSIYA ang Office of the Press Secretary sa napaulat na bonggang birthday party ni dating …

Nasamsam ng PDEA P1.7-B  SHABU HULI SA 2 CHINESE NAT’L

Nasamsam ng PDEA
P1.7-B  SHABU HULI SA 2 CHINESE NAT’L 

UMAABOT sa 260 kilo ng hinihinalang shabu, nakasilid sa tea packs at nagkakahalaga ng kabuuang …

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City Special Economic Zone and Freeport at ang kanyang desisyon na i-veto ang House Bill 7575 ay may layuning ayusin ang mga depekto ng panukalang batas. “Presidential Veto is fastest way to cure the defects of HB 7575 especially the provision which exempts the Commission on Audit to look into the financial transactions on the special economic zone and freeport,” sabi ni Press Secretary Trixie Cruz- Angeles. “Had the President not vetoed the HB 7575, it would have lapsed into law on July 4 or 30 days after the bill was sent by the legislature to Malacañang,” dagdag niya. Giit ng kalihim, kapos ang panukalang batas ng mga sangkap upang iugnay sa ibang batas, patakaran at regulasyon dahil hindi nakasaad dito na sakop ito ng audit provisions ng Commission on Audit (COA), “procedures for the expropriation of lands awarded to agrarian reform beneficiaries and a master plan for the specific metes and bounds of the economic zone.” Binigyan diin ni Angeles, lahat ng transaksiyon sa pananalapi ng gobyerno ay isinasailalim sa audit procedures ng COA at hindi dapat absuwelto sa naturang proseso ang Bulacan Airport City Special Economic Zone and Freeport. “Without those necessary amendments indicated in the veto explanation, the law may be vulnerable to constitutional challenge. The delegation of rule-making power on environmental laws which is unique to the special economic zone is of particular concern,” ani Angeles. Inilinaw ni Angeles, tuloy ang konstruksiyon ng P740-billion international airport sa Bulacan dahil ang “San Miguel franchise to operate the airport” ay aprobado ng Senado at Kamara noong 11 Oktubre 2020. “The construction of the Bulacan international airport and aero city is not affected by the veto. The presidential veto was meant to include the necessary corrections and include the missing processes that might render HB 7575 entirely unconstitutional,” paliwanag niya.

Sa Bulacan Airport City Special Economic Zone and Freeport
‘DEPEKTO’ NG HB 7575 AAYUSIN NG VETO 

ni ROSE NOVENARIO TODO-SUPORTA si Pangulong Ferdinand Marcos, Jr., sa pagtatayo ng Bulacan Airport City …

ombudsman

Kasong plunder at graft isinampa vs Lipa City Mayor Africa, 7 empleyado

SINAMPAHAN sa Office of the Ombudsman ng kasong kriminal at administratibo si re-elected Lipa City …

Leave a Reply