Monday , June 24 2024
electricity brown out energy

Dagdag oil explorations vs balik brownouts

MAAARING dumanas ng regular na power inter­ruption ang bansa hang­gang hindi nagaga­wang sapat ang numinipis na oil at gas reserves at maisu­long ang energy inde­pen­dence sa mga susu­nod na taon.

Batay sa pag-aaral na isinagawa ng mga eks­perto, patuloy sa pagba­ba ang oil at gas reserves ng Filipinas na nagbu­bun­sod upang umasa ang ban­sa sa pag-aangkat ng nasabing produkto.

Malaki rin ang epek­tong dulot  ng importa­syon sa presyo at supply ng oil at gas.

Nagpahayag ng pa­ngam­ba ang mga eksperto na kapag hindi nabigyang solusyon ang nasabing sitwasyon, maaari  itong magdulot ng bagong ber­siyon ng “dark ages” na marara­nasan ang maha­habang oras ng brown­outs.

Sa isang ulat kama­kailan, sinabi ni  Global Data power industry analyst Harshavardhan Reddy Nagatham na  ang lumolobong populasyon sa Filipinas  ay nagtutu­lak sa patuloy na pagtaas ng konsumo sa koryente sa bansa.

Bunga nito, malub­hang kailangan ngayon ng Fili­pi­nas na palawakin ang kapasidad nito pag­dating sa enerhiya.

Nagiging hadlang din sa mga inisyatiba ng bansa para sa oil at gas explo­rations ang pana­nam­lay ng investors dahil hindi pa nalulutas na isyu sa pagitan ng Commis­sion on Audit (CA) at ng Department of Energy (DoE).

Napagalaman, baga­ma’t maraming  m­amu­mu­hu­nan ang nagpaha­yag ng interes na puma­sok sa oil at gas explo­rations sa Fili­pinas, hindi ito maka­usad dahil sa nabang­git na mga usa­pin.

Batay sa ulat  ng First Solutions Macro Research ng Fitch Group, iniha­yag ng DoE na umaabot sa 48% ang antas ng oil importation ng Filipinas at inaasahan itong tataas sa mga  susunod na taon dahil sa demand at pag­ba­ba ng pro­duksiyon ng oil at gas.

Idinagdag  ng Fitch report: “Lubhang kaila­ngan  ngayon ng Filipinas ng karagdagang oil at gas exploration sa gitna ng patuloy na pagbaba ng kasalukuyang reserves at ang nalalapit na pagta­tapos ng production life ng Malampaya gas-to-power project.  Ang Malam­­­paya project ang nagbibigay ng 98% ng lokal na oil at gas pro­duction.

Gayonman,  na­nga­ngam­ba ang ilang foreign investors na maranasan nila ang umano’y pres­sure mula sa government auditors, tulad ng dinara­nas ngayon ng Malam­paya,  kaya bantulot sila na pasukin ang oil at gas exploration.

Umaasa ang mga ma­mu­muhunan  na ta­tang­galin ng pamahalaan ang mga kasalukuyang hadlang tulad ng COA vs DoE sa isyu ng government shares mula sa Malampaya project.

Ikinatuwa ng mga investor ang desisyon kama­­kailan ng inter­national arbiters pabor sa DoE/ Malampaya  consortiuim sa legal na usapin sa COA. (AD)

About hataw tabloid

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

Leave a Reply

Your email address will not be published. Required fields are marked *