Friday , January 27 2023

May mahika nga ba sa senatorial elections?

WASTONG imbestigahan ng Kongreso ang mga naitalang katakot-takot na aberya sa vote counting machines (VCM) at secure digital (SD) cards sa kasagsagan ng eleksiyon nitong Lunes.

Sinabi ni Sen. Aquilino “Koko” Pimentel III, chairman ng joint congressional oversight commitee on the automated elections system (JCOC-AES) para sa Senado, na magpapatawag siya ng imbestigasyon kaugnay ng pagkakaantala ng eleksiyon dahil sa mga pumalyang VCM at SD cards.

Matatandaang nakondena ng marami si Pimentel sa resulta ng 2016 elections nang ipatigil niya ang imbestigasyon sa Smartmatic sanhi ng mga glitches kaya nagtataka siya ngayon kung bakit marami pa rin palpak na aberya sa VCM at SD cards.

Sabi ni Pimentel: “Glitches are enough to call for a congressional investigation. Why are we still having all these glitches? Cannot Comelec (Commission on Elections) anticipate them?”

Makikipag-ugnayan na si Pimentel sa JCOC-AES ng Kamara, na pinamumunuan ni CIBAC Party-list Rep. Sherwin Tugna, para sa congressional oversight hearing kapag muling binuksan ang sesyon sa Mayo 20.

Una nang binatikos ng mga senador ang Comelec sa pagpalya ng mga VCM, na nagpa­antala sa pagboto sa iba’t ibang polling precincts sa bansa.

“Too many reports of malfunctioning VCMs nationwide. Hence the question to ask now is: Why did Comelec report that all VCMs passed the diagnostic tests?” dagdag ni Pimentel.

Sinabi ni Sen. Nancy Binay, “totally un­acceptable” ang mga nasa­bing aberya dahil tini­yak na sa kanila ng Comelec na magiging maa­yos ang hala­lan.

“This glitch is so weird… We have the right to know what’s really going on? #unbelievable,” tweet naman ni Sen. Joel Vil­lanueva kaha­pon.

Wala sa katwiran ang Comelec of­ficials sa pangu­nguna ni Chairman Sheriff Abbas na nasangkot sa dagdag-bawas sa Maguindanao sa mga nagdaang halalan kaya mahirap patu­nayan na walang dayaan sa natapos na eleksiyon.

Lumalabas na nagkaroon ng dayaan nang walong oras na hindi nakapag-transmit ang transparency server sa senatorial elections para matiyak na No. 1 si Sen. Cynthia Villar at walang papasok sa dilawang Otso Diretso para lubos na makontrol ni Pangulong Rodrigo Duterte ang Senado.

Ito ang dapat imbestigahan nina Pimentel at Tugna dahil sa tinagal-tagal ng preparasyon ng Comelec, mahirap paniwalaan na papayag sila sa “mababang kalidad” ng SD cards bilang katuwiran sa pagpalpak sa halalan.

About Ariel Dim Borlongan

Check Also

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

FIRING LINE ni Robert B. Roque, Jr.

Ang problema ng shortcuts

FIRING LINEni Robert B. Roque, Jr. ANG nakababahalang apela ni Secretary Benhur Abalos sa lahat …

AKSYON AGAD ni Almar Danguilan

Nakalilitong pasahe sa EDSA Bus Carousel, inaksiyonan na Guadiz

AKSYON AGADni Almar Danguilan DISYEMBRE 31, 2022, nagtapos ang maliligayang araw ng mga pasaherong suki …

Dragon Lady Amor Virata

Nasaan na ang listahan ng mga pulis at barangay na sangkot sa illegal drug trade?

Isumbong mokay DRAGON LADYni Amor Virata NOONG panahon ng administrasyon ni Pangulong Rodrigo Duterte, naging …

AKSYON AGAD ni Almar Danguilan

Pagsalubong sa 2023, generally peaceful — Gen. Torre III

AKSYON AGADni Almar Danguilan IYAN ang pahayag ni Quezon City Police District (QCPD) Director, Police …

Leave a Reply