Friday , March 29 2024

Shamaine, may pinagseselosang aktres; Nonie, pinagbawalang makipaghalikan

CURIOUS ang mga dumalong print media at bloggers sa presscon ng Sunshine Family kung sino ang aktres na pinagselosan ni Shamaine Buencamino, asawa ni Nonie Buencamino nang madulas siyang sabihin na kabilin-bilinan niya sa asawa na sana hindi sila magka-trabaho ng nasabing aktres.

Tumatawang sabi ni Shamaine,”noong mga panahon na seloso’t selosa pa kami, sinasabi ko talaga sa kanya (Nonie), pero never naming pinigilan ang isa’t isa na magkaroon ng kissing scene, pero may pinipili lang ako na huwag doon, ha, ha, ha. May aktres na ‘wag doon, ha, ha, ha. Pero siyempre (hindi maiiwasan), kaya may shock pa rin ako, ha, ha, ha. Siyempre ‘di ba, ayaw mo rin na ang mahal mo sa buhay may ibang katsuktsakan, ha, ha, ha, ha, nakaka-shock pa rin.”

Sinubukang tanungin ang beteranang aktres kung sino pero hindi na nito sinagot pa. Hmm, bigla tuloy kaming napa-research kung sino-sinong aktres na ang nakatrabaho ni Nonie na ayaw ni Shamaine.

Maging si Nonie ay umaming ayaw din niyang may ibang kahalikan ang asawa pero kung hindi maiiwasan ay okay lang.

Sa loob ng 29 years (May 28) na pagsasama nang mag-asawa ay hindi naman sila humantong sa matinging away, may mga tampuhan, diskusyon na hindi maiiwasan pero kaagad naman itong napag-uusapan at naayos.

Sa tagal na nilang artista ay sa pelikulang Sunshine Family na produced ng Spring Films at Film Line Pictures Productions lang sila nagkasama bilang mag-asawa.

“Never pa sa pelikula, this is the first time,” saad ni Shamaine.

Mas nagkakasama sila sa mga teleserye at stage plays na nabuo ang kanilang relasyon.

“Sa stage play na Florante at Laura kami nagkaroon ng (relasyon), kasi ilang gabi rin kaming nagkasama roon, stage manager ako, siya kapatid siya ng aktor,” kuwento ng beteranang aktres.

Bagama’t sa Seoul at Yangpyeong Country kinunan ang pelikulang Sunshine Family na idinirehe ni Kim Tai Sik ay hindi ito mapapanood sa Korea pero isasali ito sa ibang film festivals base sa kuwento ni Nonie.

At ang ipalalabas sa Pilipinas ay ang director’s cut naman ni Binibining Joyce Bernal.

Kaya abangan ang pelikula sa Hunyo 5 at may premiere night ito sa Hunyo 4 sa Trinoma Cinema na dadaluhan ng Korean actors na nakasama nila sa pelikula. Bukod kina Nonie at Shamaine ay kasama rin sina Sue Ramirez at Marco Masa.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *