Wednesday , July 6 2022
PATULOY na hinahabol ng mga tao si Mayor Fred Lim nang umakyat sa kanyang float para lamang makamayan, matapos na siya ay bumisita at mangampanya sa Sta. Ana Market.

Dagdag-benepisyo ng pulis, guro, empleyado, at senior citizens tiniyak ni Lim

TINIYAK kahapon ni PDP-Laban Manila mayoral can­didate bet Alfredo Lim, lahat ng uri ng financial as­sis­tance, cash incen­tives at cash benefits na kasalu­kuyang tinatanggap ng mga pulis, teachers, senior citizens at mga empleyado ng City Hall ay kanyang dadagdagan sa oras na siya ay maging alkalde muli ng lungsod.

Sa kanyang pahayag, sinabi ni Lim, kailangang gawing angkop sa kasa­lukuyang panahon ang nasabing financial benefits sa gitna ng patuloy na pag­taas ng mga presyo ng bilihin kompara sa kasa­lukuyang suweldo ng mga manggagawa.

Ani Lim,  nagsilbi sa bayan bilang isang pulis-Maynila sa loob ng 38 taon, mahalaga ang papel na ginagampanan ng pulisya sa pagpapanatili ng kata­himikan at kaayusan sa lungsod, nang sa gayon ang mga residente ay makatulog nang mahimbing at makapag­lakad sa mga kalsada nang hindi nangangamba para sa kanilang kaligtasan.

“Araw-araw, kapag umaalis ang isang pulis sa bahay para pumasok sa trabaho, ang isang paa niyan ay nakatapak na sa hukay.  Buhay ang ibinu­bu­wis ng pulis para sa kapa­kanan ng  mamamayan kaya marapat lang na kilalanin ang kanilang kabayanihan kahit sa pamamagitan man lang ng kaunting pinansiyal na tulong,” pagbibigay-diin ni Lim.

Kaugnay nito, pinuri rin ni Lim ang mga guro na uma­no ay responsable sa pag­hu­gis ng mga kabataan upang maging mabubuting mamamayan at ang papel na ginagampanan ng mga guro tuwing halalan, parti­kular sa pagpapanatili ng maayos at malinis na elek­siyon.

Binigyang kredito ni Lim ang mga kawani ng lungsod dahil sa kanilang kontri­busyon upang magtagum­pay ang anumang proyek­tong inilulunsad ng pama­halaang-lungsod para sa kapakinabangan ng mga taga-Maynila.

‘Ang balita ko, nade-delay ang sahod ng mga emple­yado. Alam ko na nakalaan na sa mga gas­tusin ang hinihintay nilang sahod at ‘pag hindi ito duma­ting sa oras ay napipilitang mangutang ang empleyado kahit ma­laki ang interes. Kaya naman isa sa mga tinitiyak ko ay pagbibigay ng sahod ng mga empleyado sa tak­dang araw,” pahayag ni Lim.

Siniguro ni Lim na lahat ng sahod ng mga emple­yado ay ibibigay sa tak­dang araw na dapat nila itong matang­gap, gayon­din ang kanilang financial benefits, assis­tance o incentive, kasabay sa mga guro at pulis.

Ukol naman sa senior citizens, inihayag ni Lim ang kanyang plano na dagdagan ang kasalu­kuyang bene­pisyo na kanilang natatang­gap at ibaba sa 95 years old mula 100 years old ang edad ng isang senior citizen para makatanggap ng ‘centen­nial incentives’ na P100,000.

Ayon kay Lim, dahil sa naging kontribusyon ng senior citizens sa lungsod noong kalakasan nila ay ma­ra­pat na sila ay suklian ng pamahalaang-lungsod sa pamamagitan man lang ng pinansiyal na tulong.

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply