Saturday , July 2 2022
electricity meralco

Parusa sa mga power company, inihirit ng Murang Koryente 

HINIMOK ng Murang Kuryente Partylist (MKP) ang Kongreso nitong Huwebes na parusahan ang mga abusadong power company at ipatupad ang mahahalagang reporma sa power sector na magtutulak sa pagbalanse ng kapangyarihang papabor sa mga konsumer kaysa mga power company.

Sa isang liham sa Joint Congressional Power Commission (JCPC), hiniling ni MKP nominee at matagal nang energy advocate na si Gerry Arances sa mga mambabatas na rebisahin ang Electric Power Industry Reform Act (EPIRA) law at ipatupad ang mga nararapat na amyenda bilang bahagi ng pangmatagalang solusyon sa problema ng bansa sa koryente.

“MKP is for fundamental reform of the power sector, and we know that the JCPC is also aiming for the same thing. We believe EPIRA should be amended in a way that would prioritize consumers and that we, including the government, should no longer be at the mercy of private companies,” pahayag ni Arances.

Nagpiket din ang delegasyon ng MKP sa labas ng Senado habang papasok ang mga kinatawan ng ahensiya ng pamahalaan, generation companies at distribution utilities upang dumalo sa public hearing ng JCPC hinggil sa pagkawala ng koryente at paghahanda ng mga power sector sa nalalapit na halalan.

Pangungunahan ni Senator Sherwin T. Gatchalian, na nanunungkulan din bilang Senate Committee on Energy Chairman, ang pagdinig at dadaluhan ito nina Senador Nancy Binay, Richard Gordon, Loren Legarda, Joseph Victor Ejercito, Francis Escudero at  Bam Aquino.

Pinamunuan ang MKP delegation ni MKP nominee Glenn Ymata.

“Kailangan ipaglaban ang karapatan ng lahat ng consumer na magkaroon ng murang koryente. Hindi mangyayari ito hangga’t hindi maglalabas ng pangil ang pamahalaan at parusahan ang mga abusadong power companies,” sabi ni Ymata.

Hinihimok na rin ngayon ng MKP ang JCPC na rebisahin ang existing power supply agreements (PSA) sa pagitan ng generation companies na nagpuwersa na mawalan ng koryente kamakailan ang mga planta at ang distribution utilities gaya ng Manila Electric Company (Meralco).

”Dapat din ma-audit na ang ERC (Energy Regulatory Commission) para masiguro na ang pinakamurang PSA ang isinusulong gaya ng hinihingi ng batas,” ani Ymata.

Lalo na ngayong nangangamba ang grupo na mararamdaman ang power crisis sa iba’t ibang bahagi ng Luzon bilang desperadong pagta­tangka ng mga power generator at distributor gaya ng Meralco na ituloy pa ang mga PSA.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply