Friday , June 14 2024

Free summer workshops sa Navotas, nagsimula na

PORMAL nang binuksan ng Pamahalaang Lungsod ng Navotas ngayong Huwebes ang libreng summer workshops para sa kabataang Navoteño.

Umabot sa 680 Navoteño, edad 7-21 anyos, ang sumali sa NavotaAs Sports Camp Batch 20. Sa bilang na ito, 238 ang nagparehistro sa swimming; 156 sa basketball; 48 sa volleyball; at 68 sa badminton.

Kasali rin sa Batch 20 ang 124 trainees sa taekwondo, 13 sa table tennis, 21 sa judo, 10 sa track and field, at dalawa sa soccer.

Samantala, 335 ang sumali sa annual Summer Youth Program (SYP) ng lungsod. Nasa 106 ang gustong matuto ng dancing; 99, drawing; 58, guitar playing; 45, theater acting; at 27, arnis.

Pinuri ni Mayor John Rey Tiangco ang mga kalahok sa desisyon nilang gawing produktibo ang kanilang bakasyon.

“Natutuwa kami na binigyan ninyo ng panahon ang pagpapaunlad ng inyong mga talento at kakayahan. Hangad naming mag-enjoy kayo sa mga workshop at magkaroon kayo ng mga bagong kaibigan,” aniya.

Hinikayat din ni Tiangco ang mga magulang na patuloy na suportahan ang hilig ng kanilang mga anak sa arts at sports.

“Nakatutulong ang arts at sports sa paghubog ng karakter ng isang bata. Kaya dapat suportahan natin ang kanilang mga hilig at tulungan natin silang maging magaling dito,” dagdag niya.

Ang SYP, na isinasagawa isang beses bawat taon, ay bukas sa lahat ng Navoteño edad 7-18. Inilunsad ang nasabing programa noong 2000 sa termino ni dating mayor at ngayon ay Cong. Toby Tiangco para mahimok ang mga kabataan na tuklasin at payabungin ang kanilang mga talento.

Ang sports clinic, sa kabilang banda, ay isinasagawa tatlong beses isang taon bilang bahagi ng kampanya ng lungsod laban sa iligal na droga. Ang programang ito ay sinimulan noong 2011, isang taon matapos umupo sa pwesto ang nakababatang Tiangco.

(JUN DAVID)

About Jun David

Check Also

DOST assists Damugu sudsud weavers in Talakag, Bukidnon

DOST assists Damugu sudsud weavers in Talakag, Bukidnon

The Department of Science and Technology Regional Office X recently made strides in its mission …

Eye Mo Moist ken chan

Eye Mo Moist: A must-have item during Silent Outbreak Dry Eye Disease (DED)

Dry eyes disease (DED) is currently emerging as a rapidly spreading but unnoticed epidemic. It …

Puregold CinePanalo

Sa pagbabalik ng Puregold CinePanalo:
7 FULL-LENGTH TATANGGAP NG P3-M GRANT

ITINODO pa ng supermarket chain na Puregold ang adbokasiyang kampanya nito–ang Puregold CinePanalo Film Festival, sa pamamagitan ng paghahandog …

Komisyon sa Wikang Filipino nakiisa sa Mental Health Awareness Month

Komisyon sa Wikang Filipino, Nakiisa sa Mental Health Awareness Month

Bilang pakikiisa ng Komisyon sa Wikang Filipino sa Mental Health Awareness Month, isinagawa ang Mental …

Philippines-China award, a flagship of friendship

Philippines-China award, a flagship of friendship

SIX outstanding Filipinos were honored Friday night as the 2024 laureates of the Awards for …

Leave a Reply

Your email address will not be published. Required fields are marked *