Sunday , June 16 2024
dead gun police

Dating TV reporter, habal-habal driver patay sa pamamaril

BINAWIAN ng buhay ang isang dating reporter ng ABS CBN Cotabato at isang dray­ber ng habal-habal nang pagbabarilin ng mga suspek na nakasakay sa motorsiklo sa Barangay Rosary Heights 4 sa lungsod ng Cotabato, nitong gabi ng Miyerkoles.

Kinilala ni P/Maj. Ramil Villagracia, Police Station 2 com­mander, ang mga bikti­mang sina Archad Ayao, 28, dating reporter at residente sa Teksing, Old Market area, Barangay Poblacion 6, kasalukuyang nagtatrabaho sa Bangsamoro Regional Human Rights Commission (BRHRC); at Pio Orteza, 42, drayber ng habal-habal, taga-Purok Dimasiray, Rosary Heights 4.

Ayon kay P/Maj. Villa­gracia, nakasakay sa motor­siklo si Ayao na minama­naheo ni Orteza nang barilin siya sa ulo habang binabag­tas ang Don Ramon Rabago Avenue, na nasa harapan ng Cotabato City Engineering District Office dakong 6:10 pm nitong Miyerkoles.

Nabatid na 50 metro ang layo ng pinangyarihan ng krimen mula sa Police Station 2 na nasa kanto ng Sinsuat at Ramon Rabago avenues.

Parehong tinamaan ng bala ng baril ang ulo ng dalawang biktima at idine­klarang dead-on-arrival nang dalhin sila sa paga­mutan ng mga pulis na nagresponde sa insidente.

Narekober ng mga im­bes­tigador ang dalawang basyo ng bala ng kalibre .45 baril sa lugar ng insidente.

Ikinabigla ni Laisa Alamia, dating executive secretary nang noo’y Autonomous Region in Muslim Mindanao (ARMM), nang malaman ang pagkamatay ni Ayao.

“Unbelievable, another senseless death! To your family, friends and loved ones, may Allah grant you peace to bring comfort, courage to face the days ahead. May justice be served, if not in this world, then in the hereafter,” paha­yag ni Alamia sa kaniyang Facebook post.

Nagkatrabaho noon ni Alamia si Ayao at inilarawan ang dating katrabaho bilang “committed human rights and social worker, an emergency responder, a trainer, faci­litator. Young, witty, so full of life. Kind, efficient, hard­working.”

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *