Monday , July 4 2022

Perjury vs Tiger Resort exec ibinasura… Okada malas

PATULOY ang legal na pagkabigo ni Japanese gaming tycoon Kazuo Okada na kailan lang ay ipinaaaresto ng korte dahil sa ilegal na paglus­tay nang milyon-milyong pondo ng magarang Okada Manila sa Para­ñaque City.

Sa pagkakataong ito, ibinasura ng prosecutor ang mga kasong perjury na isinampa ng kompaya ni Okada na Aruze Phils. Manufacturing Inc. (APMI)  laban sa chief exe­cutive adviser ng Tiger Resort Leisure & Enter­tainment Inc., ang may-ari Okada Manila.

Kasama si Okada, inakusahan ng TRLEI ang APMI ng estafa dahil sa pagpanggap nito bilang manufacturer ng light emitting diode (LED) strips para sa Okada Manila.

Sa isang resolution, sinabi ni Las Piñas City Senior Asst. Prosecutor Donald Macasaet na walang elemento ng perjury sa reklamo na isinampa ni TRLEI executive Dindo Espeleta laban sa Aruze.

Idinemanda ng APMI si Espeleta ng perjury sa pagsabi sa isang estafa case laban sa APMI na nanloko ang kompanya matapos pumasok sa isang kasunduan para suplayan ang TRLEI ng LED strips para sa Okada hotel casino.

Bukod  sa ibang mga reklamo, inakusahan ni Espeleta na siyang in-charge sa LED project para sa TRLEI, ang APMI ng pagpapanggap na gumagawa ng LED strips samantala kinontrata lamang nito ang isa pang kompanya na J and J Phils. upang mag-suplay ng LED strips.

Sa reklamo ng APMI laban kay Espeleta, sinabi nito na alam ng TRLEI executive na bumibili lang ang APMI ng LED strips at nagsinunglaing nang tatlong beses sa kanyang estafa case tungkol sa usapin.

Pero sinabi ni Maca­saet sa kanyang reso­lusyon na bagamat ginawa ni Espeleta ang mga pahayag sa kanyang affidavit at sa hukuman kung saan isinampa niya ang kasong estafa, wala ang isang pangunahing elemento ng perjury — ang balak na manloko.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply