Thursday , July 7 2022
PINALIBUTAN si PDP-Laban candidate for Manila Mayor Alfredo Lim ng mga pangulo ng iba’t ibang tricycle associations na pawang nagsagawa ng official PDP-Laban fist sign kasama niya. Nasa larawan ang kanyang mga kandidato para konsehal na sina (kanan ni Lim) DJ Ron Flores-Cruze at (mula sa ikalawa mula kanan) Glady Villar at Lucy Lapinig, fifth district at PDP-Laban secretary-general Danny Bolocon.

Lim suportado ng 2,000 pedicab & tricycle drivers

NAGPAHAYAG ng suporta sa kandidatura ni PDP-Laban Manila mayoral candidate  Alfredo S. Lim ang mahigit 2,000 pangulo ng iba’t ibang organi­sasyon ng mga sasakyang pam­publiko na may tatlong gu­long gaya ng pedicabs at tricycles, kasabay ng pag­sa­sabing solido ang kani­lang magiging boto para kay Lim sa darating na halalan sa Mayo.

Sa isang ugnayan na gi­na­nap sa isang fastfood chain sa Sampaloc, May­nila, partikular na tinanong ng mga driver kay Lim kung ano ang plano niya para sa kanila kapag naupong mayor at tahasang sinabi ni Lim na tatapusin niya ang anumang uri ng towing at pangingikil na nabibiktima ang mga driver ng tricycles at pedic­abs, bagay na kanilang ikina­tuwa.

Binanggit din ng drivers kay Lim ang umano’y wa­lang habas at napakataas na mga bayarin at multa na ipinapataw sa kanila, mula P500 hanggang P1,500.

Dumalo sa nasabing dialogue sina Danilo Bolo­con, secretary-general ng ruling PDP-Laban at Fede­ralism newspaper publisher Manny Plaza; at mga kandi­dato para Konsehal na sina Jograd dela Torre, Lucy Lapinig, DJ Ron Flores-Cruze at Glady Villar, fifth district; at  Jessie Delgado at Raffy Crespo Jimenez, sixth district.

Inireklamo ng mga driver kay Lim ang umano’y mga panggigipit na nararanasan nila kapag naglalagay ng mga tarpaulin ni Lim sa kanilang minamanehong tricycle o pedicabs, bukod pa sa pagiging biktima ng iba’t ibang uri ng extortion.

Tiniyak ni Lim na hindi lamang pangingikil ang kanyang tutuldukan kundi agad pang sisibakin ang sinumang irereklamo ng extortion.

Ani Lim, seryoso rin niyang iuutos na pag-aralan at ikonsidera ang pagpa­patupad ng mungkahing implementing rules and regulations (IRR) na siyang magiging gabay sa ope­rasyon ng tri-wheeled vehicles sa lungsod at big­yan din sila ng sapat na proteksiyon.

Bubuwagin din umano ni Lim lahat ng tanggapan na nagpapahirap sa mga tricycle at pedicab drivers matapos malaman na ilang tanggapan ang pareho lamang ang silbi at nangha-harass sa kanila nang halos sabay-sabay.

“Hindi lang extortion ang mawawala kapag ako na ang nakaupo sa City Hall. Uunahin ko ‘yung guma­gawa ng extortion,” ani Lim, na sinagot ng mga driver ng malakas na palakpakan, hiyawan at paulit-ulit na pagsigaw ng “Mayor Lim, Mayor Lim!”

About hataw tabloid

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …

Leave a Reply