Monday , June 24 2024

Inaway ng GF, nagbigti

NAGBIGTI ang isang binata makara­ang dibdi­bin ang pagtatalo nila ng kanyang girlfriend sa Quezon City, ayon sa ulat ng pulisya kahapon.

Kinilala ni P/Insp. Roldan Dapat ng Criminal Investigation and Detection Unit (CIDU) ng Quezon City Police District (QCPD) ang biktima na si Darwin Rama Cortez, 21,  resi­dente sa Sitio Uno Kaliwa, Brgy. Batasan Hills, QC.

Sa imbestigasyon ni PO1 Morshid D. Tanog, ang biktima ay natag­puang nakabigti ng kani­yang grlfriend na kila­nilang si Maria Angelica Arimado, sa ikalawang palapag ng bahay ng boyfreind dakong 3: 45 am.

Una rito, bandang 3:30 am ay nagising si Mark Rama, kapatid ng biktima, dahil sa pagta­talo nina Darwin at ng nobya nitong si Maria sa unang palapag ng kani­lang tahanan.

Minabuting puma­gitna at awatin ni Mark ang nagtatalong magka­sintahan dahil madaling araw na  at nakaaabala na sila sa pagtulog ng mga kapitbahay.

Nagpaawat si Mark at umakyat sa ikalawang palapag ng kanilang ba­hay kaya naiwan ang kapatid na si Mark at ang kasintahan ng biktima.

Ngunit makalipas ang 15 minuto, nakarinig na lamang  sina Mark at Maria na may kumalabog mula sa ikalawang pala­pag ng bahay kaya inutusan ni Mark ang babae na  umakyat sa silid ni Darwin.

Pag-akyat sa ikala­wang palapag, bumu­ngad sa babae ang nakabigting katawan ng boyfreind.

Agad humingi ng saklolo si Maria sa kapa­tid ng nobyo at magka­tuwang nilang ibinaba ang nakabigting katawan ng biktima saka isinugod sa East Avenue Medical Center ngunit binawian din ng buhay dakong 4:23 am si Darwin. (ALMAR DANGUILAN)

About Almar Danguilan

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

Leave a Reply

Your email address will not be published. Required fields are marked *