Monday , June 24 2024

Kahit nasa fault line… Kaliwa Dam tuloy na tuloy, Palasyo tameme

IWAS-PUSOY ang Palasyo sa isyu nang pagtatayo ng Kaliwa Dam sa mismong dala­wang fault line kaya tinututulan ng iba’t ibang grupo ang China-funded project.

“So, siguro doon sa mga fault, I was informed that it’s not really…” paiwas na tugon ni MWSS Admi­nistrator Rey Velasco nang tanungin sa press briefing hinggil sa ale­gasyon ng mga kritiko na mapanganib ang Kaliwa Dam na itatayo sa Philippine Fault at Valley Fault System.

Naging masidhi ang pagtutol ng mga resi­dente, environmental groups at Simbahang Katolika sa Kaliwa Dam project mula pa noong administrasyong Arroyo at Aquino dahil itatayo ito sa sona ng Philippine Fault at Valley Fault System, isa itong “debt trap” na magiging sanhi nang pagbaha sa water­shed mula Infanta hanggang Tanay,Rizal; at binabalewala ang epekto ng climate change.

Para kay Velasco, gawa-gawa lang ang mga nasabing isyu.

“Ang dami riyan na issues pero actually, gawa-gawa lang iyan,” aniya.

Kinompirma niya na wala nang makapipigil pa  sa pagtatayo ng Kali­wa Dam, tapos na ang bidding sa proyekto at popondohan ito ng official development assis­tance fund ng China.

Sa katunayan, isa ito sa mga ipinunta ng high level delegation ng Palasyo sa China para bigyan ng development report hinggil dito at sa iba pang China-funded projects si vice president Wang.

Gayonman, inilinaw ng MWSS na hindi aabot sa mahigit US$800 milyon ang halaga o nasa US4248 milyon lamang o katumbas ng P12.2 bilyon ang halaga ng proyekto.

Inamin ni Velasco na nakahandang ibigay anomang oras ng MWSS ang P20 milyong ayuda para sa mga katutubong Dumagat na maaapek­tohan ng proyekto.

(ROSE NOVENARIO)

About Rose Novenario

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

Leave a Reply

Your email address will not be published. Required fields are marked *