ARESTADO ang isang 27-anyos padyak drayber makaraang manggulpi ng isang ginang sa Malabon City kahapon ng tanghali.
Kritikal sa Tondo Medical Center (TMC) ang biktimang kinilalang si Mildred Arias, 43-anyos, residente sa P. Aquino St., Gozon Compound, Brgy. Tonsuya sanhi ng mga tama ng suntok sa iba’t ibang bahagi ng katawan.
Nahuli ang suspek na kinilalang si Dande Alcantara, ng Block 4, Paradise Village ng nasabing barangay na nahaharap sa kasong Serious physical. Batay sa ulat ni Malabon Police Operation head Chief Insp. Romulo Mabborang, dakong 1: 00 pm nang maganap ang insidente sa harap ng bahay ng biktima sa nasabing lugar.
Dumating ang lasing na suspek at kinompronta ang biktima sa hindi nabatid na dahilan, kasabay ng panggulgulpi kay Arias.
Bumagsak sa sahig ang biktima dahilan upang mawalan ng malay kaya isinugod sa nasabing pagamutan.
(ROMMEL SALES)
