Tuesday , June 25 2024
arrest posas

Electrician arestado sa baril, granada at ilegal na droga

ARESTADO ang isang notoryus drug suspek na sangkot sa panghoholdap matapos salakayin ng mga awtoridad ang kanyang bahay na nakuhaan ng baril, granada, mga bala at shabu sa Caloocan City.

Kinilala ni Caloocan Police chief P/Col. Restituto Arcangel ang naarestong suspek na si Ramon Meraña alyas Jonjon Barok, 43, electrician ng Caimito Road corner Dagohoy St. Brgy. 77.

Ayon kay Station Intel­ligence Branch (SIB) Chief Insp. Jonathan Olvena, dakong 2:10 pm nang salakayin ng mga operatiba ng SIB ang bahay ng suspek sa bisa ng search warrant na inisyu ni Caloocan Regional Trial Court (RTC) Executive Judge Remigio Escalada, Jr., ng Branch 123 sa paglabag sa RA 10591 o the Comprehensive Law on Firearms and Ammunition Act base sa reklamo ng kanyang mga kapitbahay dahil sa pagpapaputok ng baril lalo na kapag nalalasing na nagresulta sa kanyang pagkaaresto.

Nakompiska ng raiding team sa bahay ng suspek ang isang cal. 45 pistol na may magazine at anim na bala, cal. 38 revolver na may anim na bala, isang granada, tatlong packs ng hinihina­lang shabu at sari-saring identification cards ng iba’t ibang tao. Sinabi ni Chief Insp. Olvena, kamakailan, sinu­god ng suspek ang barangay captain ng Brgy. 77 na naging dahilan upang sampahan ng kasong assault upon a person in authority sa Caloocan City Prosecutor’s Office.

Maliban sa ilang kasong criminal na isinampa kay Meraña, sinampahan din ng pulisya ng kasong paglabag sa RA 10591, RA 9156 o Unlawful Possession of Explosive Devices at RA 9165 o the Comprehensive Dangerous Drug Act of 2002 sa Caloocan City Prosecutor’s Office.

(ROMMEL SALES)

About Rommel Sales

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *