Thursday , June 13 2024

Diskarte’t gimik ng mga kandidato

KANYA-KANYANG gi­mik at diskarte ang mga tumatakbong senador sa unang araw ng kam­panya.

Ang nangunguna sa mga survey na si reelec­tionist senator  Grace Poe ay nagpakain ng mga mag-aaral sa Payatas, Quezon City.

Si misis hanepbuhay Cynthia Villar ay dumalo sa kick-off rally ng Hugpong Ng Pagbabago (HNP) na pinamumu­nuan ni presidential daughter at Davao Mayor Sara Duterte.

Kasama ni Villar sa kick-off rally sa Pampa­nga sina reelectionist senators Aquilino “Koko” Pimentel III, JV Ejercito, at Sonny Angara.

Hindi naman nagpa­huli si reelectionist senator Nancy Binay na sinabing ‘karamay’ ng bawat mamamayang Filipino sa kanyang unang bugso ng kampanya sa pama­magitan ng motorcade sa iba’t ibang barangay sa San Jose del Monte, Bulacan.

Kasama ni Binay sina Angara at Ejercito gayon­din si dating Senate President Juan Ponce Enrile.

Sumama sa pag-iikot ng Otso Diretso si re­electionist senator Bam Aquino at ang nag­babalik na si senador Mar Roxas.

Nasorpresa ang lahat nang magtaasan ng kamay sa iisang entabla­do sa Pampanga sa kick-off rally ng HNP sina Ejercito at kapatid na si dating senador Jinggoy Estrada.

Kasama rin nila sa grupo ang nagbabalik na si Senadora Pia Cayetano, ang kilalang malalapit sa Pangulo na sina Bong Go, Ronaldo “Bato” dela Rosa, at Francis Tolentino gayondin sina Ilocos Norte Governor Imee Marcos, nagbabalik na si Ramon Bong Revilla, Jr., ang kilalang mama­maha­yag na si Jiggy Mani­cad, at Dong Mangandadatu.

Isinusulat ang istor­yang ito’y hindi matukoy kung saan nangampanya o nag-ikot ang nagbabalik na ‘Leon Guerero’ ng senado na si Lito Lapid, na kamamatay lang sa kanyang karakter na Pinuno sa teleseryeng “Ang Probinsyano.”

Samantala tiniyak ni Poe na makakasama niya sa ilang ikot niya ang ilang tumatakbo rin at isa rito si dating senador Sergio Osmena III.

Kasamang nangam­panya ng Otso Diretso bukod kina Aquino at Roxas ay sina sena­toriables Romy Maca­linral, Gary Alejano, Erin Tañada, Pilo Hilbay, Samira Gutoc at Chel Diokno.  (NIÑO ACLAN)

 

 

About Niño Aclan

Check Also

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

DOST assists Damugu sudsud weavers in Talakag, Bukidnon

DOST assists Damugu sudsud weavers in Talakag, Bukidnon

The Department of Science and Technology Regional Office X recently made strides in its mission …

SANKEI 555 Ball Joint

Produktong Japan ginaya
NBI NAGHAIN NG SUBPOENA SA EXPO BOTH NG SANKEI 555

SA IMPORMASYONG imitasyon at hindi orihinal ang produktong naka-display, inihain ng National Bureau of Investigation …

Federation of Free Farmer FFF

Rice Tariffication Law (RTF) naging pahirap 
MAGSASAKANG PINOY UNANG TATAMAAN NG MABABANG TARIPA

AMINADO si Leonardo “Ka Leony” Montemayor, Chairman ng Federation of Free Farmers (FFF) na malaki …

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Leave a Reply

Your email address will not be published. Required fields are marked *