NATAGPUANG patay noong Lunes ang isang 5-anyos paslit makaraan suntukin sa sikmura ng kanyang tiyuhin sa loob ng computer shop sa Baseco Compound sa Maynila.
Ayon sa imbestigas-yon ng pulisya, namatay ang biktimang si Gwendel Constantino makaraan sikmuraan ng suspek na kanyang tiyuhin.
“Nasuntok ko lang po sa sikmura. Tapos bigla siyang nanginig,” ayon sa suspek na si Jerome Emberso, na agad hinuli ng mga pulis at ngayo’y nahaharap sa reklamong murder.
Dagdag ni Jerome, itinago niya si Gwendel sa computer shop dahil sa takot.
Nabatid sa Homicide Section ng Manila Police District, 9:00 pm noong Linggo nang umalis ng bahay si Gwendel nang hindi nalalaman ng mga magulang.
Nang hindi umuwi noong gabing iyon, nagpatulong na ang mga kaanak niya sa barangay officials na hanapin siya.
Lunes ng tanghali nang makita ang bangkay ni Gwendel sa loob ng computer shop.
HATAW News Team
