Saturday , March 2 2024
road accident

10 pasahero sugatan sa karambola ng 3 sasakyan

SAMPUNG pasahero ng UV Express ang sugatan makaraan ang karambola ng tatlong sasakyan sa Commonwealth Avenue sa Brgy. Old Balara, Quezon City, bago mag-1:00 ng madaling araw nitong Lunes.

Ayon sa ulat, nakaupo sa gilid ng kalsada ang mga sugatang pasahero nang maabutan ng mga rescuer habang ang iba ay nasa loob pa ng UV Express. Agad silang dinala sa ospital.

Kuwento ng UV Express driver na si Rolando Seguro, binangga siya ng kotse at sa lakas ng impact ay nagpaikot-ikot ang UV Express bago sila masalpok nang paparating na bus.

“Nagulat na lang ako binangga ako ng kotse sa bandang kaliwa ng sasakyan ko. Pagbangga niya umikot ‘yung sasakyan ko. Parating naman ‘yung pulang bus na iyon, ‘yun ang tumama sa tagiliran ko hanggang umabot ako rito,” ani Seguro.

Sumampa sa gutter ang UV Express, nayupi ang bahagi ng passenger side at nabasag ang windshield nito. Habang ang bus ay nabasag din ang windshield.

“Magkakasabay po kaming tatlo. Nagulat na lang po ako bumalagbag sa akin bigla ‘yung UV nga po kaya ‘yun nawalan na rin ako ng ano, hindi ko na maipreno kasi sabay-sabay kami,” ayon sa bus driver na si Marjon Caubat.

Hinabol ng ilang concerned motorcycle riders ang nakabanggang kotse at naabutan ito.

Habang ayon sa driver ng kotse na si Chito Fortu, pagka-ovetake sa kanya ng UV Express ay nabangga niya ito at tumama rin sa kanila ang bus.

Hindi aniya siya tumakas kundi dinala lang niya ang buntis na misis sa ospital nang sumakit ang tiyan.

About hataw tabloid

Check Also

Mambajao adopts first DOST-funded disaster command vehicle in Mindanao

Mambajao adopts first DOST-funded disaster command vehicle in Mindanao

The local government of Mambajao in the province of Camiguin adopted the first Department of …

DOST conducts calibration caravan in Lanao del Norte

DOST conducts calibration caravan in Lanao del Norte

In response to the Operation Timbang (OPT) Plus program of the National Nutrition Council (NNC), …

Empleyada inireklamo sa pagtangay sa P800K cash sa Parañaque!

Empleyada inireklamo sa pagtangay sa P800K cash sa Parañaque!

INIREKLAMO sa kasong Qualified Theft ang isang empleyada na si alyas Laarni 31-anyos, Public Relations, …

Alejo Santos 40 Bulacan

Ambag bilang beterano at lingkod-bayan ni Hen. Alejo Santos, inalala sa Ika-40 Taon ng Kamatayan

GINUNITA ng mga Bulakenyo ang Ika-40 Taong Anibersaryo ng Pagkamatay ni dating Department of National …

DOH Hagonoy CARES

DOH, suportado ang Hagonoy CARES program para kalingain mga may sakit sa puso

PATULOY na magbibigay ng iba’t ibang uri ng suporta ang Department of Health (DOH) para …

Leave a Reply

Your email address will not be published. Required fields are marked *