Thursday , March 28 2024

Paghahanap ng magbibida sa Dapithapon…, madugo

READ: FPJ’s Ang Probinsyano, ‘di pinaporma si Victor Magtanggol

READ: Kris, winakasan, pang-iintriga sa kanila ni Sharon

PERSONAL kay Direk Carlo Catu ang pelikula niyang Kung Paano Hinihintay ang Dapithapon (Waiting for Sunset), official entry niya sa Cinemalaya Philippine Independent Film Festival na magsisimula sa Agosto 3 hanggang Agosto 12 na mapapanood sa Cultural Center of the Philippines at Ayala malls.

Ayon kay Direk Carlo, “Noong nagpi-pitch ako kay Direk Jun (Lana), kasi galing ako sa workshop, nag-isip ako sa family namin ng ‘what if’. Si Direk Jun kasi ipinu-push niya kami na ang gawin naming script ay personal.

“So sabi ko, ‘sige gusto mo ng personal, bibigyan kita ng personal.’

“So ito na nga personal na parang sumobrang personal yata ha ha ha.”

Paliwanag pa ng award winning director ng Kapampangan’s Ari: My Life with the King, “Bale ang inspiration ko rito ‘yung mother ko na may certain event na umuwi ‘yung tatay ko sa amin. Hindi ko siya nage-gets na parang close sila kahit ilang taon na silang magkahiwalay.

“So, ‘yung perspective ko na, paanong nangyari ‘yun?

“Roon ko siya binuo. Parang in-exaggerate ko na lang na ‘what if’ mas matanda pa ‘yung nanay ko at mas matanda pa rin ang tatay ko noong bumalik sa amin?

“So, roon na nagsimula ang lahat, idinevelop ko na lang siya.”

Ang Kung Paano Hinihintay Ang Dapithapon ay tungkol sa tatlong senior citizen na magbibigay kahulugan sa salitang pag-big at pagsasama.

Pinagbibidahan ito nina Perla Bautista (Teresa), Dante Rivero (Benedicto), at Menggie Cobbarubias (Celso).

Aminado ang director ng pelikula na madugo ang naging paghahanap nila ng magiging bida sa pelikula.

“’Yung casting sobrang madugo,” giit ni Catu sa pocket presscon ng Ang Kung Paano Hinihintay Ang Dapithapon (Waiting for Sunset) na ginawa sa Salu Restaurant. “Sobrang inikot-ikot namin ang lahat ng mga puwedeng artista (na magbibida).”

Pero nauuwi sila lagi kina Tita Perla, Tito Dante, at Tito Menggie.

“Nag-isip pa kami ng ibang artistang puwede pero ang ending sa kanila talaga kami bumabagsak. Parang nag-Wikipedia na kami, nag-Google na kami. Pinagdikit-dikit namin ang lahat ng mga artista, pero rito talaga kami bumabalik.

“Sila ‘yung unang pinili namin tapos ang tagal naming nag-aksaya ng oras, pero sa kanila pa rin kami bumabalik. So ayun, sina Tita Perla, Tito Dante, at Tito Menggie na talaga ang dapat na bida rito,” sagot pa ng director na nagmula sa Pampanga.

Pinagbibidahan din ang pelikula nina Romnick Sarmenta at Che Ramos, kasama sina Ryan Ronquillio, Jacqueline Cortez, Dunhill Banzon, at Stanley Abuloc.

Ang gala premiere ay sa August 8, 9:00 p.m. sa Tanghalang Nicanor Abelardo, Cultural Center of the Philippines.

Ang Kung Paano Hinihintay ang Dapithapon ay mula sa Cineko at Cleverminds Inc., kasama ang CMB Film Services at CG Post Production.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *