Wednesday , December 7 2022

Carandang tuluyang sinibak ni Duterte

SINIBAK ng Palasyo sa serbisyo si Overall Deputy Ombudsman Melchor Arthur Caran­dang dahil sa graft and corruption at betrayal of public trust.

Ang desisyon ng Office of the President ay nag-ugat sa inihaing reklamo laban kay Ca­randang hinggil sa pagsisiwalat ng mga walang katotohanang impormasyon hinggil sa umano’y unexplained wealth ni Pangulong Rodrigo Duterte at kanyang pamilya.

Sa panayam kay Carandang noong 27 Setyembre 2017, sinabi niya na hawak na niya ang bank transactions mula sa Anti-Money Laundering Council (AMLC) kaugnay sa inihaing reklamo ni Sen. Antonio Trillanes IV laban kay Duterte sa Ombuds­man.

Itinanggi ng AMLC na may inilabas silang mga dokumento kaugnay sa bank transactions ng mga Duterte taliwas sa paha­yag ni Carandang.

“He was clearly only interested to broadcast an information adverse to the President. His keeping mum about an infor­mation that was favorable to the President clearly amounted to manifest partiality,” sabi sa utos ng OP.

Bukod sa dismissal from service, iniutos din ng OP na tanggalin ang eligibility ni Carandang, ang kanyang perpetual disqualification from holding public office, at forfeiture ng kanyang retirement benefits.

Naniniwala si Special Assistant to the President Christopher “Bong” Go na ang pag­ka­luklok kay Samuel Martires bilang bagong Ombudsman ay mag­da­ragdag ng ngipin sa kampanya kontra-ko­rupsiyon ng adminis­trasyong Duterte.

Malaki aniya ang tiwala ni Pangulong Duterte sa kakayahan at kredibilidad  ni Martires lalo na’t rekomendado siya ng Korte Suprema.

(ROSE NOVENARIO)

 

About Rose Novenario

Check Also

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …

MMDA, NCR, Metro Manila

MMDA clearing ops umarangakada na

MAHIGIT 30 sasakyan ang nahuli sa isinagawang clearing operation ng Metropolitan Manila Development Authority (MMDA) …

Leave a Reply