MTPB leader utas sa ambush
BINAWIAN ng buhay ang isang team leader ng towing operations ng Manila Traffic and Parking Bureau (MTPB) nang pagbabarilin ng hindi kilalang suspek sa Tondo, Maynila, nitong Miyerkoles.
Ayon sa ulat ng pulisya, kinilala ang biktimang si Benjie Panindian ng District 1 ng MTPB.
Malapitang pinagbabaril si Panindian ng suspek sa bahagi ng Parola Compound, ayon sa inisyal na impormasyon ng Manila Police District.
Agad isinugod sa Mother and Child Hospital sa Binondo ang biktima ngunit binawian ng buhay habang nilalapatan ng lunas.
Inaalam ng pulisya kung may kinalaman ang pagpaslang sa trabaho ng biktima bilang team leader ng towing operations ng District 1.
