Thursday , March 28 2024

Adrift, isang napakaganda at heartbreaking love story na kailangang panoorin

Ipinagmamalaking ihandog ng VIVA International Pictures ang Hollywood movie na Adrift. Hango sa libro at tunay na kuwento ni Tami Oldham Ashcraft, ito ay nagpapakita ng katatagan ng loob at kapangyarihan ng pag-ibig.

Sina Tami at Richard Sharp ay magkasintahang naglalayag sa dagat nang biglang makasalubong nila ang Hurricane Raymond, isa sa pinakamapinsalang bagyo na naitala sa kasaysayan ng mundo.

Nang magkamalay si Tami, sirang-sira na ang kanilang bangka at hindi niya makita si Richard.  Sinubukan niyang mag-radyo para humingi ng tulong, at sa kabila ng matinding takot, nagawa niyang ayusin ang anumang makakaya sa sirang bangka.  Parang isang milagro, bigla niyang nakita si Richard na palutang-lutang at walang malay.  Walang anumang tulong na maaasahan, kailangang si Tami mismo ang gumawa ng paraan para mailigtas ang sarili at ang lalaking pinakamamahal niya.

Si Tami ay ginagampanan ni Shailene Woodley (The Fault in our StarsDivergent), at si Richard ay ginagampanan ni Sam Claflin (Me Before You/The Hunger Games).

Ayon kay Aaron Kandell (Walt Disney’s Moana), isa sa mga screenwriter ng pelikulang ito, si Woodley mismo ang nasa isip nila ng kanyang kakambal na si Jordan habang isinusulat nila ang script.  Nang bisitahin nila ang tunay na Tami sa kanyang tahanan sa San Juan Islands, nakita nila ang katatagan nito at ang pagiging positibo, na katangian din ni Woodley.  Naging kaibigan nila ang aktres noong ginagawa niya ang pelikulang The Descendants.

Ayon kay Woodley, ”I was so captivated by it, by who Tami is and the love story. I really felt the energy of the divine soulmate connection between Tami and her fiancée, Richard.”  Dahil wala siyang karanasan sa paglalayag, pinag-aralan ito ni Woodley sa loob ng isang buwan sa Hawaii bago magsimula ang shooting ng pelikula.

Nakuha ni Claflin ang papel na Richard matapos nilang mag-usap sa telepono ng batikang director na si Baltasar Kormakur (Everest, The Oath).  Agad nakumbinsi ang director na si Claflin ang pinakabagay na maging Richard.

Dalawang linggong nag-ensayo sina Woodley at Claflin sa Fiji bago ang simula ng produksyon.

“It was so helpful…We really just clicked,” kwento ni Woodley tungkol sa kanyang co-star na ayon sa kanya”the hardest-working individual” na nakatrabaho niya.   Dagdag pa ng aktres, ”The elements that we were working in were not easy, shooting on a boat in open water for 14 hours. Never once did he complain.”

Sa kalagitnaan ng produksiyon, bumisita si Tami sa set, at naramdaman ng buong cast ang kanyang pagtanggap sa pelikula.  ”It was amazing to meet her finally but also, I was hyper-aware of how emotional this experience must be for her, the trauma of being stuck out at sea. My prayer is that she has found healing as well through this experience,” ani Woodley.

“One of the first things she said to me was, ‘You remind me of him (Richard) so much,’ which was really a special moment for me,” kuwento naman ni Claflin. ”Having her seal of approval was so important.”

Ginawa ang Adrift sa loob ng 49 na araw, sa Fiji at sa New Zealand.  Mapapanood ito sa mga sinehan simula kahapon, June 27.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *