NANG hindi sundin ang iniuutos, binugbog ng isang lalaki ang kanyang 6-anyos anak sa Valenzuela City, kamakalawa ng umaga.
Agad inaresto ng mga tauhan ng Valenzuela Police Community Precinct (PCP) 8 ang suspek na si Michael Fabul, 35, sa kanilang bahay sa Eugenio St., Sitio Sulok, Brgy. Ugong makaraang humingi ng tulong sa pulisya ang asawa niyang si Windylyn nang masaksihan ang kalupitang ginagawa sa kanilang anak.
Inutusan umano ng suspek ang anak ngunit hindi agad nakasunod ang bata kaya’t sa galit ay nilapitan niya ang biktima at ginulpi.
(ROMMEL SALES)
