Monday , September 26 2022

Wrong outlook in life at ‘di wrong grammar, ang gustong iwasto ni Greta

BINURA pero na-upload pa rin ng ilang netizen ang Instagram video na ipinost ni Gretchen Barretto kasama ang dalawang babaeng kaibigan.

Binatikos kasi lalong-lalo na si Gretchen ng marami sa mga nakapanood ng video na pinagtatawanan nila ang lumiham sa aktres upang humingi ng tulong.

Ang pagkasablay daw kasi sa grammar ng letter sender ang tampulan ni Greta at ng kanyang grupo, bagay na kinontra naman ng ilan na nagsabing ang magulo at paligoy-ligoy na paraan ng lumiham sa paglalahad ng kanyang problema ang siyang pinagtawanan.

Our take on the issue.

Sa aminin man natin o hindi ay nagiging source of laughter naman talaga ang taong mali-mali ang Ingles, ke oral o written pa ang nagsasalita. Parang humahanap tayo ng dahilan para makita kahit paano ang amusing side sa likod ng isang malungkot na kuwento.

Tandang-tanda namin noong magkakasama kami ng kaibigang Jobert Sucaldito at Gorgy Rula sa The Boy Abunda Radio Show. Kaming tatlo ang tumimon sa kabuuan ng programa in Kuya Boy’s absence noong araw na ‘yon.

May binasa kaming selyadong sulat mula sa isang beauty queen-turned-actress. Hindi na namin babanggitin pa ang kanyang pangalan, pero sikat siya sa kanyang mga klasikong boo-boos pagdating sa Ingles.

Bahagi ng kanyang liham ay ang linyang, ”I’m coming home on the 21th (sa halip na twenty first) of August. See you” or words to that effect.

Admittedly ay ikinatawa namin ang “twenty oneth” na nasa sulat ng aktres. Pero dahil sanay na kami sa kanya, siya lang at wala nang iba ang makakagawa niyon na cute ang dating.

Back to Gretchen. Kung totoong maling grammar ang pinagtatawanan nila, sana’y hindi na lang in-upload mismo ni Gretchen ang pagbabasa nila ng sulat. Puwede naman kasi nilang enjoy-in ang nilalaman ng sulat nang sila-sila lang without making it public.

Pero marahil, ikakatwiran ni Greta na kaya niya ‘yung in-upload ay dahil in the first place, she believed na walang ibig sabihin ang tawanan ng kanyang mga amiga. Kung malisyoso nga namang maituturing ‘yon, bakit niya para isapubliko ‘yon at umani ng batikos?

Siguro, mas tingnan na lang natin sa pangkalahatan ang layunin sa likod ng letter-reading na ‘yon. Ang liham ay mula sa isang taong lumalapit at nanghihingi ng tulong mula kay Gretchen na marami-rami na rin ang natulungan.

Puwede ring mensahe ‘yon ni Gretchen na anumang mabigat na dalahin natin sa buhay, kapag idinaan sa pagngiti o pagtawa ay nakagagaan ng kalooban.

Hindi ang wrong grammar, kundi ang wrong outlook in life marahil ang gustong iwasto ng dating Sex Goddess.

HOT, AW!
ni Ronnie Carrasco III

About Ronnie Carrasco III

Check Also

Ryza Cenon

Ryza tinalakan ang Maynilad (Water bill umabot ngP120k) 

MATABILni John Fontanilla SUPER shock si Ryza Cenon nang bumulaga sa kanya ang bill niya sa tubig …

Vhong Navarro Atty Alma Mallonga

Abogado ni Vhong nanindigan: ‘Di totoo ang bintang na rape

MA at PAni Rommel Placente SA panayam pa rin ng PEP.ph sa legal counsel ni Vhong Navarro na si Atty. …

Janice de Belen Inah Estrada Jake Vargas

Janice sa isyung buntis ang anak — Mahirap itago iyan dahil sa socmed

DEADMA lang si Janice de Belen tungkol sa kumakalat na tsismis na nabuntis umano ang anak niyang …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Vhong Navarro Tanya Bautista

Misis ni Vhong nananalig mapapawalang-sala ang asawa

HUMARAP kahapon ng hapon ang misis ni Vhong Navarro na si Tanya Bautista para maglabas ng saloobin ukol sa …

Leave a Reply