Thursday , September 29 2022

13 Nigerian tiklo sa ‘love scam’

ARESTADO ang 13 Nigerians na sangkot sa “love scam” na binibik­tima ang mga Filipina sa Facebook at dating sites, sa pagsalakay ng mga awtoridad sa Imus, Cavite, kamakalawa.

Ayon sa ulat, pinasok ng Imus Police ang bahay ng target ng kanilang operasyon, agad pinada­pa at pinosasan ang mga dinatnang Nigerian na­tionals na ang ilan, natu­tulog pa sa kuwarto.

Nagtangka pang mag­t­­ago ang ilan sa mga dayuhan ngunit nahuli silang lahat.

Ayon sa pulisya, pumasok sa bansa bilang foreign students ang mga dayuhan noong nakara­ang taon. ‘Yun pala, front lang nila ito para sa kanilang online fraud scam.

Nagpapanggap daw silang mga Amerikanong sundalo gamit ang mga pekeng Facebook ac­counts, saka naghahanap ng mga Filipina na ma­bibiktima sa Facebook o online dating sites.

Ang masaklap, may mga kasabwat umano silang mga Filipino.

Kapag ang target na Filipina ay nasa ibang bansa, agad daw ipina­pasa ng Nigerians sa kanilang mga kasama sa sindikato sa bansang iyon.

Nakuha sa laptop ng mga suspek ang mga address at pangalan ng mga nabiktima ng sindi­kato.

Mayroong galing Iloilo, Cebu, Nueva Ecija, at Metro Manila na nabiktima gamit ang account na Putri Kevin.

Napaluhod at napa­iyak sa takot ang sinasa­bing lider ng grupo nang makaharap ang matataas na opisyal ng PNP Region 4A at iginiit na wala silang alam sa bintang.

“I did not scam her, God knows I did not scam her,” saad ni Em­manuel Chinonso Nnandi.

Ngunit positibo silang itinuro ng mga com­plainant at mga dating nob­ya ng Nigerians na nagdiin sa mga suspek.

“Mahilig po kasi tayo mag-post ng mga selfie na mukhang may kaya kaya ‘pag alam nang may kaya, ‘yun ang tinatarget nila,” pahayag ni Chief Supt. Edwin Carranza, Regional Director ng PRO 4A.

About hataw tabloid

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Arrest Posas Handcuff

Sa P.6-M shabu
‘ILLEGAL DRUG DEALER’ ARESTADO SA KANKALOO

ISANG hinihinalang tulak ng ilegal na droga ang arestado matapos makuhaan ng mahigit P600,000 milyong …

shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …

Leave a Reply